Page 21 - Suara Sarawak B 7 Julai 2021
P. 21
5
HARI TIGA • 7 Julai 2021
Tiga pemenang Pekit Kumang Gawai enda tinggal mantu orang tusah
PENYIRU TIGA DARA bajik Iban
| LINA KUNJAK
linakunjak@suarasarawak.my
KUCHING: Ngembuan adat basa, ngenang jasa besai raban terabai komuniti enggau betatika penusah mensia mayuh endang jelan ulah bala indu dara ti nyadika chunto ngagai bala bukai.
Pengempu gelar Kumang Gawai Online 2021 Trofi YB Datuk Ali Biju, endu Serena Tony, Lu- long Elyana Ricky enggau Selinggar Matahari Vannessa Lee udah ngambi bagi bejalaika pen- gawa pengasih.
Sida tiga nya bela nemu enggau sedarka tanggung pengawa diri empu nipakka gelar ti ukai diempu pia aja tang mesti diseriris enggau ulah ti siru, deka kiruh mantu orang tusah eng- gau raban ti begunaka bantu jam diatu.
Ba Kapit din, pengawa nganjung pemeri ngagai raban terabai komuniti ti nyaga Pengawa Ngempang Jalai (SJR) Jalai Kapit – Sibu enggau SJR Bukit Mabong betuaika endu Serena empu.
“Pemeri tu dikearap ulih nyadika peransang enggau pengering semangat ngagai raban ti be- rambunka nyawa diri nyaga pengelikun mensia mayuh.
“Tu mih kena aku ngayanka diri ngenang pemesai jasa sida ti kiruh gawa nadai ngira siang malam sekumbang pandemik ngerekai ba menua kitai,” ku Serena.
Berebak enggau nya, endu Elyana enggau bala iya nyadung bantu kereban nyaga penge- likun (PPE) baka sengkabung mua ngagai per- anak rumah panjai di Kanowit.
Nambahka nya, iya empu mega udah kiruh bebela enggau nyendiaka pemakai ungkup bala staf ke gawa ba Palan Meri Vaksin (PPV) Dewan Suarah Kanowit, Sepital Kanowit enggau raban terabai komuniti bejaga ba endur bukai.
“Meri besai terima kasih enggau tabi puji ngagai semua raban terabai komuniti ti udah bebendar nyaga pengelikun menua kitai ari pan- demik Covid-19.
“Aku ngarapka semua bala kita seruran gerai enggau likun sereta semampai liat ati sekum- bang bejalaika pengawa,” ku Elyana nibarka jaku peransang.
Penusah enggau pemerinsa Stang Anak Joseph Abok, 26 taun, bekeradai nupi ini eng- gau ibu iya udah matak perati dara tampun puji Vannessa.
Cherita pengidup tudah Stang ti baru se- bulan lebih nyadi raban Rela ti sanggup ngereja sebarang pengawa ngulihka belanja ngasuh ati Selinggar Matahari sinu.
Berindik ari nya, iya enda kakang ati meri bantu naka ulih diri empu dikena nyaup ngelem- pungka ati tating belanja sida Stang sebilik lalu mai pengelantang mengga mimit ngagai sida nya.
“Kasih meda gaya pendiau bilik suwa endur sida diau, aku nyau sinu endar ati lebuh betatika pengidup sida meini.
“Nya alai aku nesau semua kitai sama gerah jari mantu orang ti begunaka bantu baka sida Stang tu.
“Arapka sida ini enggau ibu tu diberi pengerai enggau pengelantang,” ku Vannessa enggau ati sinu lebuh nganjung kereban peninduk enggau bantu pemakai kia, empai lama.
BETATIKA PENUSAH... Vannessa empu nyuaka bantu kereban peninduk ngagai bilik atas kedai di pasar Simanggang ti disuwa Stang endur sida meini ngenduh.
KE PERANSANG GAWA... Serena nyuaka pemeri ngagai raban terabai komuniti ti nyaga SJR di Bukit Mabong, Kapit.
JASA DIKENANG... Elyana nganjung pemakai disumai iya empu enggau ai irup ngagai staf ke gawa ba Sepital Kanowit.
Rejister nama nyentuk 10 Julai
| ISABELLA INCHANG
suarasarawak.sv@gmail.com
KUCHING: Bala bujang enggau dara diperansang masuk Pekit Kumang enggau Keling Trofi Adun Tamin YB Ir Christopher Gira Sambang 2021.
Berambaika jaku Adat Eng- gau Budaya Dikelala, Bansa Dipebasa, komiti pekit tu nesau bujang enggau dara sama ngeruh ai masuk pekit nengah chara baru nya.
Penerang ba laman Face- book YB Christopher Gira Sam- bang, pekit nya tebuka ngagai bujang indu dara bansa Dayak sereta peranak menua Malaysia beumur 18 ngagai 30 taun.
Nambahka nya, timpuh
ngerejister diri berengkah 5 Ju- lai pukul 8 pagi nyentuk 10 Julai pukul 5 lemai.
Akim ti bepenau deka milih 20 iku pemekit ngerebut gelar Keling enggau Kumang lalu sida mesti bekenaka ngepan penuh tauka standard nitihka menua siti-siti ti dipilih.
Ambika banding, bala peme- kit tau ngerasuk ngepan Batang Ai, Ngepan Saribas enggau ke bukai.
Bala pemekit mega enda tau ngena ensumbar ti ngundan leka jaku kamah, enda manah enggau enda engkeman.
Ungkup penerang semua, bisi tiga renggat ungkup pekit keling enggau kumang ke alai renggat keterubah, 20 Pemekit
(Kedua Kepenudi) enggau 10 Pemekit (Kepenudi).
“Oh ni kita bala mayuh bala banyak, Ke duduk bekejegak ari hujung datai ke punggang setak. Nyadi kami bisi berita manah deka digerah.
“Minta ampun nyangka tak didinga kerah-kerah, kuchah- kuchah. Nyadi kami ka madahka berita mai kita ka bisi manuk sabung sama besedia.
“Tesau tu madah ke semua laban kami deka ngatur Pekit Keling enggau Kumang Trofi YB Ir. Christopher Gira Pekit nengah online ke dikumbai kitai chara baru tu.
“Tang anang ga kita rawan, anang mega kita nangi. 30 peratus penemu mensia mayuh
diguna lalu 70 peratus nya ari akim ti bepenau.
“Nyadi, anang lama dedunga, tebelenga. Iya ke bisi ‘manuk sabung’ tau dianjung lalu re- jister nengah link pm rejister pekit ba Google Form, https:// tinyurl.com/Pekit-Keling-Ku- mang-2021,” ku penerang nya.
Penerang silik tauka tanya bukai, bala pemekit tau nanya ngagai Tuai Kordinator Pe- kit Kumang enggau Keling, Franky ba lumur 01125185298, Forleenarica Juana ba lumur, 0128763890 enggau Sangin ba lumur, 01115861331.
SAMA NGERUH AI... Bala bujang enggau dara ditesau masuk Pekit Kumang enggau Keling Trofi Adun Tamin YB Ir Christopher Gira Sambang.
21
