Page 22 - Suara Sarawak B 7 Julai 2021
P. 22
6
HARI TIGA • 7 Julai 2021
DINGA MANAH... Sikie nibarka jaku penerang ngagai bala penerima vaksin ngambi semampai ngasika Atur Pengawa Standard (SOP).
BAKA TU... Ari kiba nya Sikie, Hamdiah enggau bala bukai mendingka penerang pasal pejalai program betuchuk vaksin di PPV Bukut dikenatai Dr Normmy.
PENERIMA VAKSIN... Mensia mayuh semampai ngasika SOP lebuh datai nerima vaksin di PPV Bukut.
MUKAH: Urung 90 peratus peranak ba Ulu Tatau enggau Kakus udah nerima vaksin dos keterubah.
Menteri Muda Undang-undang enggau Adat Bumiputera ba Opis Kepala Menteri, Datuk John Sikei Tayai madahka servis lutur terebai mega chakah bejalaika tanggung pen- gawa sida.
“Servis tu chakah dipejalai nentuka per- anak ti jauh mega betuchuk vaksin lalu dijaga ari pandemik.
“Inisiatif perintah muka mayuh agi Palan Meri Vaksin (PPV) ba menua pesisir nen- tuka kimpin betuchuk vaksin nasional mujur
90 PERATUS rayat Ulu Tatau, Kakus UDAH DIVAKSIN
dipejalai,” ku Sikie nerang lebuh ngabas PPV Bukut, ditu ensanus.
Iya mega ngelalau tuai komuniti sereta bala kunsilor Kaunsil Pelilih ngena inisiatif tu meri penyedar ngagai mensia mayuh ngambi nerima vaksin.
Nambahka nya, Sikie minta Opis Menteri Pengerai Malaysia (KKM) sereta ejensi bukai beratika jampat pengawa nirika Klinik Penge- rai Bukut kelebih agi maya pandemik tu.
“Chukup gaga meda penyikar Komiti Meri Vaksin Bagi Menua Mukah betuaika Residen Mukah, Hamdiah Baker nentuka program betuchuk vaksin lanchar.
“Mensia mayuh nyau sedarka pemesai guna betuchuk vaksin ngujungka mayuh PPV ba bagi menua tu ditumbuh ungkup program betuchuk vaksin,” ku Sikie.
Sikie madah, saup ari bala volunteer eng- gau pengeransing staf opis pengerai lebuh bejalaika pangku pengawa ulih mutarka pen- anggul tu enggau manah.
Nya alai ku iya, Komiti Meri Vaksin Bagi Menua Mukah meri besai terima kasih ngagai bala volunteer enggau staf ti udah bebendar gawa.
Ari 94,621 iku peranak di Bagi Menua Mukah nitihka penerang ari Opis Penyampau
Mensia, manggai 60 peratus udah nerima dos keterubah.
Bisi sekeda pelilih ba bagi menua tu man- ggai entara 80 ngagai 90 peratus udah nerima dos keterubah nyengkaum di Tanjung Manis, Daro, Matu enggau mega ba Dalat.
“Kami ngadang 40 peratus agi peranak di bagi menua tu deka nerima vaksin abis laun ujung bulan Ogos tu,” ku Sikie nerang.
Ke penerang, sepenyampau 350 iku udah nerima dos keterubah di PPV Bukut dibanding hari keterubah ke alai semina 160 aja pen- erima vaksin.
KUCHING: Tabung Darah Sepital Besai Sarawak (SGH) terus ngatur kimpin meri darah ninting minggu taja Atur Mindah Betagang (PKP) agi diterit ba selampur Sarawak.
Maya pandemik Covid-19 tu, kimpin meri darah deka dipejalai ba Palan Tabung Darah SGH be- rengkah 5 ngagai 11 Julai tu.
Kena 10 Julai tu, kimpin ba Pa- lan Tabung Darah SGH nya diatur Tay Motor seraya kena 11 Julai tu,
kimpin nya diatur Federation of Chinese Youth (FCOY).
Tabung darah mantaika pen- erang tu nengah laman Facebook iya, Blood Bank Hospital Umum Sarawak, ditu ensanus.
Ku penerang nya, aktiviti meri darah agi dipejalai enggau tetap ditampung nentuka bekal darah chukup.
Pia mega, tujuh hari pengudah nerima vaksin baru mensia mayuh
Kimpin Meri Darah, 5-11 Julai di HUS
tau meri darah nyema nadai ngasaika pemedis pengudah ditu- chuk vaksin.
“Mensia mayuh ke udah nerima vaksin enggau bisi ngasaika pe- medis semina ulih meri darah tujuh hari udah nya tauka pengudah sida gerai,” ku penerang.
Nambahka nya, sida ke deka meri darah mesti makai enggau ngirup ai dulu lalu mai tingki enti kita nya peranak menua tauka mai pasport enti kita peranak menua luar.
Kelimpah ari nya, mensia mayuh dipinta mai kad tauka bup
meri darah lalu datai tumu sebe- dau kaunter rejister ditutup.
Ungkup penerang silik tauka tanya bukai, Palan Tabung Darah SGH, kita tu telefon ngagai lumur, 010-8578909 (Borhan), 082-276797 (pejabat) tauka email nuju protd- hus@gmail.com.
KUCHING: Raban akademik Steam (Sains, Teknologi, Injinir, Seni eng- gau Matematik) ari Swinburne udah ngatur bengkel Steam, apin lama ke udah.
Bengkel ti diatur pengelama dua bulan nya begulai enggau 15 buah sekula primari di Pelilih Serian.
Sepenyampau 255 iku nembiak enggau pengajar ngulu bengkel ti diatur berengkah ari bulan April tu tadi.
Program nya dipungkal eng- gau Bengkel Matih Pelatih ungkup pengajar di Sekula Primari (SK) St Dominic, Pichin ngambi matih sida bejalaika aktiviti Steam ba sekula.
Bengkel tu diatur ngambi ngan- sah pengelandik nembiak sereta nambahka penemu Sains, Matema-
22
tik enggau Jaku English nengah pengawa belajar ari aktiviti kelimpah marit nembiak minta belajarka Steam.
Bala nembiak ti ngambi bagi deka nambahka penemu nengah aktiviti baka Floating Boat, Lose the Blues, Magnet Art, Story Envelope enggau Kahoot! Maths Whiz.
Aktiviti baka tu ulih nempa rund- ing kreatif sereta bekunsika penemu enggau pangan diri.
Pia mega, tim Swinburne deka mandangka pemujur bala nembiak ke kala nampung pelajar dia nengah video ngambi meri peransang nga- gai bala nembiak.
Berambaika jaku ‘nempa nembiak ti berani napi penguji dudi hari’, bengkel tu dipejalai tim akademik
255 iku nembiak, pengajar ngulu bengkel Steam
Swinburne nya betuaika Kordinator Program Shella Georgina Beatrice.
Bala bukai ti nyaup ngemujurka bengkel tu nyengkaum Pengelicha Dr Tan Vie Ming, Dr Yii Kwang Jing, Dr Irine Runnie Henry Ginjom, Dr Ling Chui Ching, Esther John Perry sereta Tuai Pusat Pengajian Asasi Su Sueh Ing.
Tim nya ngepunka produk Steam ungkup nembiak ba sekula menua pesisir di Bagi Menua Serian dikena
nyapai Pelin Strategik Swinburne 2025.
Aktiviti Steam nya engkeman dia- tur laban semina begunaka kereban belajar ke mudah digiga ungkup bala nembiak.
Projek nya nyereminka strategi Swinburne ti deka ngaul komuniti enggau bakih industri sereta nerima timbal positif ari raban bukai ti meransang tim tu ngaul mayuh agi komuniti ba menua pesisir.
Aktiviti Steam nya engkeman diatur laban semina begunaka kereban belajar ke mudah digiga ungkup bala nembiak.
