Page 18 - Suara Sarawak B

2
HARI DUA • 6 Julai 2021
“Bisi sekeda pekara agi dipansik aku baka undang-undang enggau atur bukai.
Pekara tu mesti diperati enggau manah ngambika nadai ngelanggar undang-undang tauka atur, nya alai aku enggau naka ulih ngiga orang ti bepenau dalam pekara tu.”
DATUK ALEXANDER NANTA LINGGI
Isu royalti lagu etnik di Sarawak
BEGUNA AWAK endur mansik
| INDUN SILONG
suarasarawak.sv@gmail.com
KUCHING: Perambu ngumpul royalti muzik nengah Music Right Sarawak Berhad (MRSB) mesti tegap sereta nerima sukung ari raban pengemeran muzik Dayak menua tu ngambika ulih
dibantai nyemetak sereta mujur. Menteri Dagang Dalam Menua enggau Pekara Penguna (KPDNHEP), Datuk Alexander Nanta Linggi madahka iya agi begunaka awak dikena ngemujurka peminta raban pengem- eran muzik di menua tu laban bisi
sekeda pekara agi dipansik opis men- teri.
“Bisi sekeda pekara agi dipansik aku baka undang-undang enggau atur bukai.
“Pekara tu mesti diperati enggau manah ngambika nadai ngelanggar undang-undang tauka atur, nya alai aku enggau naka ulih ngiga orang ti bepenau dalam pekara tu,” ku iya.
Alexander bejaku munyi nya lebuh nyereta Webinar MRSB : Randau Be- gulai Enggau MRSB malam, ensana.
Tandu iya, perambu tu amat manah laban ulih nyadi pun penatai pemisi pengemeran muzik Dayak di Sarawak.
“Ukai ungkup bansa Iban aja, tang bansa bukai baka Bidayuh, Melanau, Orang Asli enggau ke bukai mega bisi dibungkur perambu tu.
“Pia mega, perambu tu ukai ung- kup lagu aja, tang mungkur orang ti bepantun enggau ke bukai sereta ulih nyadi pun penatai pemisi kita.
“Nya alai, aku minta semua pengemeran muzik Dayak di Sarawak beserakup laban ari sukung kita baru aku bisi penerang ti tegap dibantaika ditu,” ku iya ngelansa pekara bekaul enggau isu royalti seni muzik di Sarawak.
Iya madahka, nyema penerang ti dibantaika iya tegap, perambu tu deka mujur agi digaga.
Ungkup penemu Webinar tu dike- mujurka Chairman Aras ke mega pen- gari MRSB Gibson Rentap, Produser ke mega Komposer Embat Lala eng- gau Presiden Serakup Pemuzik Dayak Depha Masterpiece.
Anang kakang nyukung MRSB
MRSB tegap enti mayuh sukung
KUCHING: Semua pengemeran muzik Dayak di Sarawak dipinta beserakup nyerahka mandat ngagai Music Right Sarawak Berhad (MRSB) ngatur pengawa ngumpul hak royalti muzik sida.
Produser ke mega komposer, Embat Lala madahka kelia raban pengemeran muzik kelebih agi penanyi bu- lih penatai pemisi ari nyual CD, VCD enggau DVD tang sida mega napi penanggul chelak tiru.
“Diatu tebal agi bala penanyi bulih penatai pemisi lebuh lagu sida dipasukka ba ‘youtube’ tang asil ari nya enda mayuh.
“Nya ngujungka serikat rekoding enggau komposer enggai ngaga lagu agi, laban sida nadai bulih duit,” ku iya rambau Webinar MRSB malam ensana.
Tandu iya, pengemeran muzik Dayak menua tu patut ngembuan sebuah LB (Licences Bodies) baka MRSB awakka oraganisasyen tu ulih ngumpul royalti ungkup sida.
“Ngelama tu kitai enda nemu pasal royalti laban nadai orang bisi madah enggau enti ulih orang enggai kitai nemu.
“Aku kasih meda sekeda bala komposer enggau penanyi menua kitai, lagu meletup, tang nadai royalti.
“Diatu kitai badu kiruh ke utai ti udah nyadi, tang
laban nyema udah nyadi kaban MRSB, semua muzik ti dikeluarka deka tama dalam siti ‘database’ .
“Anang kakang ati, aram kitai sama begempung lalu badu agi kena indik orang,” ku iya.
Berebak enggau nya, Presiden Serakup Pe- muzik Dayak Depha Masterpiece mega meransang pengemeran muzik Dayak di Sarawak nyukung perambu tu awakka pengawa ngumpul royalti nya jampat agi tembu.
“Perambu tu di atur awakka bala komposer, pen- anyi, pemuzik enggau ke bukai bepayung ba sebuah rumah.
“Penyampau tauka peratus agih royalti nya ulih dikerandau kitai serumah tang pemadu beguna diatu sigi sukung kita semua awakka pekara tu jampat dikemujur,” ku iya.
Webinar MRSB nya diatur Chairman Armada Anak Sarawak (Aras), Gibson Rentap enggau tuju ngambika isu royalti muzik ulih diterang enggau silik.
Sama bisi ngemataka webinar nya, raban pengemeran muzik Dayak Sarawak enggau Sabah.
KUCHING : Menteri Muda Nembiak enggau Lumba Datuk Snowdan Lawan ma- dahka, pekara ngatur hak industri muzik Dayak udah berengkah kenyau taun 2008 suba.
Kenu ku iya, maya iya empu agi megai Gerempung Pemuzik Dayak (DAMA), dia iya nerima mayuh sebana pengemeran muzik Dayak pasal isu royalti.
“Kami bisi mai pekara tu ngagai KPDNKK (diatu dikumbai KPDNHEP) sereta ngeluarka penerang media ngelansa sekeda projek bekaul kelebih agi pengawa salah chelak tiru.
“Pekara tu diban- taika kami ungkup pemaik bala penanyi eng-
gau pengem-
eran muzik kitai di menua tu,” ku iya nerang nyerumba We- binar MRSB : Randau Royalti Muzik Begulai Enggau MRSB malam ensana.
Nangkan ke nya, ku iya, pengawa chelak tiru udah ngasuh mayuh serikat rikod- ing rugi enggau ngujungka raban penanyi di menua tu enda ulih beretan lama dalam industri.
“Enti baka orang ke lama sida agi ulih ngetanka diri, tang baka penanyi baru sekejap aja pansut udah nya tengelam.
“Nya alai, aku meransang semua kita nyadi kaban MRSB, mayuh agi kita ny- ukung, ‘tegap agi rumah kita’ laban enti tubuh kita mimit tentu
pedis,” ku iya.
angkat ngambika kitai dudi hari enda baka diatu,” ku iya.
Tandu iya, pengemeran Dayak menua tu
orang ti nampung napi penanggul
raban muzik
anang irau
EMBAT LALA
DATUK SNOWDAN LAWAN
DEPHA MASTERPIECE
GIBSON RENTAP