Page 17 - Suara Sarawak B
P. 17

Ruai
ruai@suarasarawak.my
HARI DUA • 6 Julai 2021
‘Perintah udah setuju meri sanding penemu ngagai Seri Paduka Baginda Yang di-Pertuan Agong ngambi Aum Khas Penggal Ketiga Parlimen Keempat Belas diatur pengelama lima hari, berengkah 26 ngagai 29 Julai enggau 2 Ogos tu.”
Isu royalti lagu etnik di Sarawak
“Bisi sekeda pekara agi dipansik aku baka undang-undang enggau atur bukai. Pekara tu mesti diperati enggau manah ngambika nadai ngelanggar undang-undang tauka atur, nya alai aku enggau naka ulih ngiga orang ti bepenau dalam pekara tu.” -DATUK ALEXANDER NANTA
>>RUAI 2
Aum khas Parlimen diatur lima hari
BERENGKAH 26 JULAI TU
KUALA LUMPUR: Aum Khas Parlimen deka diatur pengelama lima hari be- rengkah 26 Julai tu.
Ba sebengkah penerang ari Opis Menteri Besai kemari madah, Aum Khas Parlimen mega diatur pengelama tiga hari berengkah 3 Ogos tu.
‘Perintah udah setuju meri sanding penemu ngagai Seri Paduka Baginda Yang di-Pertuan Agong ngambi Aum Khas Penggal Ketiga Parlimen Keem- pat Belas diatur pengelama lima hari, berengkah 26 ngagai 29 Julai enggau 2 Ogos tu,” ku penerang nya.
Aum Khas Parlimen nya dikena meri penerang ngagai Kaban Parlimen pasal Pelin Ngemanahka Menua enggau ngubah semua atur enggau undang- undang nentuka Aum Parlimen diatur chara hibrid.
Opis Menteri Besai mega madah, be-
pelasarka Fasal (3) Perkara 150 Perlem- bagaan Persekutuan semua proklamasi darurat enggau ordinan digaga Yang di- Pertuan Agong deka dipejurai ba mua kededua Kaunsil Parlimen.
Nitihka penerang nya, aum deka diatur nitihka Atur Pengawa Standard (SOP) ti deka ditetapka Kaunsil Pengeli- kun Menua (MKN) enggau Opis Menteri Pengerai Malaysia (KKM).
Ku penerang Opis Menteri Besai, jaku gerah Jemaah Menteri udah disa- dung ngagai Jemaah Menteri ngambi nemu pasal pekara nya.
Ba bulan June tu tadi, Yang di-Per- tuan Agong Al-Sultan Abdullah Riáya- tuddin Mustafa Billah Shah mantaika penemu ngasuh Aum Parlimen diatur enggau lengkas nentuka Pelin Ngeman- ahka Menua enggau Ordinan Darurat 2021 dipejurai Kaban Parlimen.
Raban ti pungkang pemakai dulu disah
BANTU PEMAKAI... Lukanisman maya nyuaka bantu pemakai ngagai raban ke gawa begaji hari di Lusut ti napi penanggul pungkang pemakai enggau suntuk belanja ketegal PKP 3.0.
MIRI: Palan Servis Parlimen P.218 Sibuti udah nerima agih belanja RM300,000 ung- kup program bantu pemakai ngagai raban ti tusah ketegal Atur Mindah Betagang (PKP) enggau pandemik Covid-19.
Kaban Parlimen iya, Lukanisman Awang Sauni madah, agih belanja RM300,000 nya
deka dikena ngesah raban ti nyengala tusah tauka udah pungkang pemakai.
“Aku nagit 5,000 bantu pemakai diberi nengah agih belanja Pemulih lalu ditambah enggau agih belanja RM50,000 ari Palan Servis nengah belanja ari program enggau aktiviti ke udah dikinsil ngelama tu,” ku iya
nerang, ditu kemari.
Ku Lukanisman, sida deka ngemerat
peranak rumah panjai enggau genturung pendiau diasuh bepekul, raban B40 dirintai dalam sistem e-kasih enggau sida ke putus pengawa nerima bantu pemakai nya.
Pia mega, bantu nya deka disadung ngagai ruang bilik ke mayuh diri sebilik, orang seranta, pemegai kad Kenyalang Gold (orang lunggar umur), pesakit tungkul sen- gayuh ari raban B40, ruang bilik ke bisi bala ditepan penyakit raya enggau bala nembiak ke ditemu idup tusah.
“Bantu nya ungkup peranak ke diau dalam Parlimen Sibuti mungkur Pelilih Subis, Bekenu, Niah, Bakam, Peninjau, Hulu Sibuti, Taman Tunku, Lusut, Lambir, Sg Rait, Tukau enggau pengundi luar ke diau di Miri,” terang Lukanisman.
Bantu pemakai ke deka disadung nya ny- engkaum berau, minyak sumai, gula, tepung, telu, kuie, mi, sadin enggau ke bukai.
“Aku mega nerima enti sema bisi pen- erang ari Gerempung Ukai Dikuasa Perintah (NGO) tauka mensia mayuh ke bisi penerang pasal sida ti tusah ngambi diberi bantu pemakai.
“Sida ti begunaka bantu tau telefon nuju
lumur 013-8184218 enggau 019-8250218 lalu madahka nama, penyampau diri sebilik, lu- mur telefon, adres enggau pemakai ti diguna sida baka tusu, lampin enggau ke bukai.
“Kenyau bulan Januari ngagai June tu tadi, Palan Servis Komuniti Parlimen Sibu udah nyadung 4,555 bantu pemakai nengah agih belanja di baruh Palan Servis, pemeri serikat enggau orang ngatika diri ti pechayaka aku nganjung bantu pemakai nya.
“Aku ngarapka mensia mayuh ba sitak Parlimen Sibuti meretika agih belanja nya enda ulih disadung nitihka penyampau Tuai Bilik (KIR) baka BKSS 6.0 tang ungkup orang ti tusah,” terang iya.
Terang iya, Palan Servis nya mega deka nganjung 89 bantu pemakai ngagai Rumah Isa enggau Rumah Banyang ti udah diasuh bepekul kenyau ari 2 Julai tu tadi.
Kena 8 June tu tadi, Perintah Sarawak udah ngagihka bantu pemakai ngagai se- mua 82 Dun di Sarawak.
Dun N.71 Bekenu udah ngagihka 6,258 bantu pemakai ngagai KIR seraya Dun N.72 Lambir udah ngagihka 13,432 bantu pemakai.
Sepenyampau 19,690 KIR udah nerima Bantu Pemakai Sarawakku Sayau 6.0 Perin- tah Sarawak.


































































































   15   16   17   18   19