Page 21 - Suara Sarawak B

TEMBU DALAM TIGA BULAN TEMBU DALAM TIGA BULAN
NARIT ATI... Pemanah tangu moden digaga Ina ngena leka manik ke manding dipeda.
UKIR BARU... Pemanah produk asil keranjai jari Ina ke manah diengkah ba len- gan ti suah dikena Orang Ulu.
MANAH DIPEDA... Pemanah lumur plat ke manah diengkah dalam entukar nya digaga Ina ari leka manik.
“Udah nya, aku mega kala ngulu bengkel manik ba Kampung Taee kena 27 Oktober 2020.
“Ba taun 2019, aku mega dua kali udah ngulu kus ngaga kraf manik baka buah kabo enggau rosary di Kuching,” ku Ina nerang sentang kus ke kala digulu iya bekaul pengelandik ngaga kraf manik.
Pengudah dagang makin maju, Ina enda rangka bekunsika penemu ke alai berengkah bekunsika penemu ngagai pedagang bukai lalu kala muka kelas ngaga manik ‘loom’ ba menua laki iya di Sebangkoi, Serian.
MAKIN DIKELALA
Ina madahka iya udah bedagangka kraf tu penge-
lama empat taun, berengkah ari taun 2018 nyentuk diatu.
Ku Ina, iya bedagang ari rumah aja ngena chara dagang digital enggau chara bukai baka bejual ba genturung pendiau diri empu lalu produk manik iya dibeli kaban belayan enggau sida ke besemak dia.
“Pemar ba dunya dagang endang bisi ngambi kitai ulih besemekih enggau bala bukai.
“Pemar ke diasaika aku diatu nya besemekih eng- gau pedagang bukai ke sama bedagangka produk manik.
“Taja pia, manah ga bisi orang besemekih ngambi kitai ransing agi bedagang.
Naka diatu, untung aku bedagang kekadang man- ggai RM1,000 ngagai RM3,000 sebulan bepanggai ngagai udar ti diterima ari bala penguna.
“Puji Tuhan, aku semampai nerima udar ari bala pen- guna kelebih agi sida ke kala meli produk ari aku.
“Entara produk pemadu dikerindu iya nya ‘lanyard’, lupong, gelang kaki enggau jari anak mit,” ku Ina seraya tuchum.
Iya mega madah naka ulih meransang diri empu dalam dunya kraf laban pengawa tu endang ari minat iya empu. Ku Ina, iya semampai bepegai ngagai leka jaku tu, gaga ati laban semua utai dikereja kitai deka mujur enti
kitai rindu ngereja pengawa nya.
Nambahka nya, iya mega semampai bepegai ngagai
leka jaku tu, anang takut napi penguji lalu pajuka aja pen- gawa ke udah dipunka tu.
Terubah ngepunka dagang suba, Ina madahka iya ngena puku urung RM200 dikena meli kereban baka leka manik tu sebedau nerima untung dikena iya meli baru kereban diguna nya.
“Aku ngarap ulih muka kedai kediri empu sereta ngena chap dagang kediri empu lalu rejister nama serikat.
“Kebuah pia laban aku apin rejister nama Enter- prise kediri empu tang semina rejister di baruh Kraf- tangan Sarawak aja,” ku terang Ina.
UKIR BARU... Pemanah tengak digaga Ina.
NYADI MODEL... Bala penguna begambar enggau produk ti dibeli sida ari Ina kelai rinduka pemanah produk nya.
KREATIF... Selampai enggau sementing ke digaga ari leka manik ke tampak eksklusif.
HARI DUA • 6 Julai 2021
5