Page 23 - Suara Sarawak B
P. 23
HARI DUA • 6 Julai 2021
7
Saspek lari mujur DITANGKAP BARU UDAH DITEMU... Saspek mujur ditangkap ba babas semak genturung pendiau di JPJ Sarawak
PADAWAN: Dua iku saspek ti ngelarika diri ari Palan Transit Rumah Jil Puncak Borneo mujur ditangkap ba babas semak Batu 11, ditu kemari.
Lebuh ngenukuka pekara nya, Tuai Polis Pelilih Padawan, Superintendan Aidil Bolhasaan madah, dua iku saspek benama Mohamad Fikry Azzaru- din Abdullah, 26 taun enggau Rahmat Simbolan, 38 nya peranak Indonesia udah ditangkap asil operasyen ba hari kelima.
Ku iya, dua iku saspek nya mujur ditangkap Raban Tiger Platoon pengudah digiga nguji
ngelarika diri sebedau mujur ditangkap baru ba babas semak begunan Indu Opis Perengka Pen- gangkut Jalai (JPJ) Sarawak.
“Kededua saspek ditangkap pukul 2.50 lemai kemari,” ku iya nerang lebuh dirandau Suara Sarawak.
Iya madahka dulu ari nya, asil penerang dit- erima ari mensia mayuh, sida udah ngasuh Unit Langit PDRM ngagai ngagai endur nya ngambi nimpai ari langit dikena nyidi kededua saspek dalam babas nya.
Beduduk ari nya ku iya, semua raban opera- syen udah matau endur nya ngambi ngiga ked- edua saspek sebedau mujur ditangkap baru lemai kemari.
Dulu ari nya, Unit K9 IPK Sarawak, Jabatan Penjara Puncak Borneo begulai enggau Unit K9 Penjara Puncak Borneo udah ngulu operasyen nya.
Kededua saspek nya ditangkap di baruh Sek- syen 457 Kanun Keseksaan (Fikrry) enggau 39B Akta Dadah berbahaya 1952 (Rahmat).
“Kededua saspek ditangkap pukul 2.50 lemai kemari.”
Kes positif diatu manggai 66, 985
KUCHING: Sarawak ngerikodka 424 kes baru positif Covid-19 ngujungka penyampau kes positif ketegal Covid-19 di menua tu nambah ngagai 66,985 kes.
Komiti Penyangga Penusah Nengeri (JPBN) nengah penerang media iya kemari madahka Pelilih Menua Miri ngerikodka kes pemadu tinggi iya nya 120 kes.
Ari penyampau tu, 133 kes ti dirikodka ditemu ari peresa ngagai pengereja pengawa sebuah kilang papan lapis di Kuala Baram, Miri.
Ku penerang nya, ari 113 kes ti dirikodka tu 107 iku ukai rayat menua ke alai enam iku rayat menua.
Ku penerang, pengereja kilang nya udah dijaga ba baruh Atur Mindah Betagang Bepekul (PKPD) berengkah 1 nyentuk 15 Julai awakka nadai ngerampit ngagai orang bukai.
Kluster Industri 121, Kuala Baram ngaul kilang nya mega udah diasuh tutup sepengelama 14 hari berengkah 5 nyentuk 19 Julai.
Penerang tu mega madahka, kilang nya udah dikompaun RM10,000 laban raban pengatur kilang enda nitihka atur semina 50 peratus pen- gereja pengawa dikemendarka gawa ba kilang.
Kelimpah ari nya, entara pelilih menua bukai ti ngerikodka kes positif baru iya nya Kuching (92), Telang Usan (40), Meradong (34), Sibu
(32), Sri Aman (19), Kanowit (14), Selangau (8), Bintulu (8), Sarikei (7), Mukah (7), Bau (7), Tatau (6), Kabong (5), Bukit Mabong (5), Subis (4), Samarahan (4), Kapit (3), Serian (3), Lundu (2), Julau (1), Belaga (1), Song (1)
enggau Saratok (1). Penerang tu mega
madahka, ari 424 kes baru ti dirikodka tu, 22 iku bisi nun- jukka kelai dirampit Covid-19 ke alai 380 iku endang ari orang ti diasuh kuarantin.
‘Bujang Satok’ ditangkap di Waterfont Kuching
KUCHING: Siku jagu ke digelar Bujang Satok mujur ditangkap ba Waterfront Kuching, ditu kemari.
Jagu nya udah ditangkap staf Sarawak Forestry Corporation (SFC) pengudah nerima ripot.
“Jagu nya tama dalam ‘panjuk’ ti ditan kenyau lima hari ke udah,” ku penerang SFVC nya, kemari. Nitihka penerang ari SFC, jagu pemesai
urung 11 kaki nya udah dianjung nga- gai Jong Crocodile ungkup atur bukai. Nangkan nya, Tuai Pegawai Eksekutif SFC Zolkipli Mohamad Aton enggau sapit iya, Abang Arabi Abang Aimran mega udah nge- lawa endur nya pengudah nerima ripot jagu nya udah ditangkap. Nya alai, SFC madah mensia mayuh ti deka ngaga ripot pasal tetemuka
jagu tauka jelu siga bukai tau telefon ngagai Hotline SFC iya nya Kuching (019-8859996), Sibu (019-8883561), Bintulu (019-8332737) enggau Miri (019-8290994).
UDAH DITANGKAP... Raban operasyen SFC mujur nangkap ‘Bujang Satok’ ba Waterfront Kuching, kemari.
