Page 24 - Suara Sarawak B
P. 24
8
Ruai
HARI DUA • 6 Julai 2021
Pekit Kek Lapis Pua Kumbu
Gelar CHAMPION dipenggi MIRY AJUT AKIM... Entara bala akim Pekit Kek Lapis Pua Kumbu.
CHAMPION... Kreativiti kek pua kumbu udah narit ati bala akim enggau mensia mayuh ngujungka Miry Ajut asal ari Bintulu dipadu menggi gelar champion ba pekit nya.
“Aku ngarapka pekit tu ulih
nambahka penemu sereta sebagi ari chara ngelakuka dagang kek lapis semua pemekit.
Tu aja mih chara aku nyaup sida ngelakuka dagang ngambi majak dikelala mensia mayuh.”
| ISABELLA INCHANG
suarasarawak.sv@gmail.com
KUCHING: Miry Ajut ari Bintulu udah dipadu ngempu gelar champion Pekit Kek Lapis Pua Kumbu.
Pemanah kek lapis pua kumbu digaga Miry udah narit ati bala akim enggau mensia mayuh.
Miry mega mujur mai pulai mata duit RM200 besereta
resepi ari 1n5L Kek Lapis. Pia mega, Dayang Sari- mah ari Sibu udah bulih lu- mur dua lalu mai pulai mata duit RM150 sereta Sharon Ayun ari Miri bulih lumur tiga udah mai pulai mata duit
RM100.
Pemenang lumur empat,
lumur lima enggau lumur enam iya nya Chikaroo Ajushi ari Kuala Lumpur, Princess Purple ari Bintulu enggau Susan Jg ari Julau lalu sida tiga bela mai mata duit RM50.
Pengatur pekit enggau pemungkal 1n5L Kek Lapis, Lily Jackson madahka semua
pemenang deka mai pulai re- sepi ari 1n5L Kek Lapis.
“Ungkup penerang se- mua, ba pekit kek lapis pua kumbu tu, 50 peratus nya ari undi mensia mayuh ba laman Facebook 1n5L Kek Lapis lalu 50 peratus agi ari akim.
“Batang tuju aku ngatur pekit tu laban deka meri pelu- ang ngagai bala bukai belajar ngaga kek
lapis pua kumbu.
“Aku mega deka bekun-
sika penemu nentuka dagang kek lapis pua kumbu sida majak ngerembai.
“Tu mega sebagi ari chara aku ngangkatka pengelandik sida ngambi mayuh agi orang nemu pengelandik dikem- buan sida.
“Pekit tu mega sebagi ari chara aku nyaup sida sereta bulih pemaik ari utai ke udah dipelajar sida ari aku,” terang Lily.
Ungkup penerang semua, bisi tiga iku akim dipilih Lily ngakim bala pemekit tu.
Akim keterubah iya nya Dr Rawa Bau, bansa Iban ti bepenau sereta suah masuk program bekaul enggau main asal kitai Iban.
Udah nya, Hasnisah Samili nya siku pengajar kek lapis mega lalu bisi peneleba bekaul dagang kek lapis di menua tu.
Akim ketiga nya EL Hu- mayra ke mega siku pengajar kek lapis asal ari Sarawak tang ngentapka diri di Kuala
Lumpur.
“Aku ngarapka pekit tu ulih
nambahka penemu sereta sebagi ari chara ngelakuka dagang kek lapis semua pemekit.
“Tu aja mih chara aku nyaup sida ngelakuka da- gang ngambi majak dikelala mensia mayuh.
“Ba aku, semua peme- kit bisi pengelebih sereta kreativiti sida empu lalu aku chukup temegah ati laban mayuh orang deka masuk pekit kek lapis pua kumbu tu.
“Terima kasih ngagai sida ke udah masuk pekit tu lalu enti bisi jereki aku deka nga- tur baru pekit baka tu ungkup mensia mayuh kelebih agi sida ke kala belajar ba aku sentang pengawa ngaga kek lapis pua kumbu tu.
“Terima kasih mega nuju bala akim ke udah ngemu- jurka pekit tu lalu milih bala pemenang,” ku iya nerang.
Nambahka nya, Lily mega meri besai terima kasih nga- gai semua bala pemekit ke udah masuk pekit tu.
MANAH DIPEDA... Sharon Ayun bulih lumur tiga.
PENGAWA MUJUR... Pengatur Pekit Kek Lapis Pua Kumbu, Lily begambar ungkup kenang enggau sida sebilik.
KREATIF... Pemanah kek pua kumbu ngujungka Dayang Sarimah bulih lumur dua.