Page 3 - E-MODUL INTERAKTIF UNGGAH-UNGGUH BASA

UNGGUL iii

Prawacana

Bismillahirrahmanirrahim

Puji syukur tansah konjuk dhumateng Gusti Allah SWT ingkang sampun maringi mapinten-pinten

kanikmatan mliginipun nikmat sehat, satemah panganggit saged ngrampungaken e-modul unggah-

ungguh basa Jawa kangge klas VIII kanthi lancar saha boten wonten alangan setunggal menapa.

wosipun e-modul punika ngandharaken materi pasinaon ingkang cekak aos satemah pamaos langkung

gampil mangretosi wosipun kanthi cetha. kegiyatan wonten ing salebeting e-modul saha strategi

ingkang badhe dipun-ginakaken sampun ngetrapaken nilai-nilai ingkang dipunkembangaken. Pramila,

pamaos boten namung mangretosi e-modul minangka salah satunggaling sumber kangge sinau,

ananging ugi wonten pitutur ingkang dipunandharaken saha dipuncawisaken ing salebeting e-modul

punika kangge jangkepi pasinaon.

Ingkang kaping tiga, e-modul punika langkung nengenaken 3 prinsip inggih punika:

1.transmisi antawisipun daring, luring saha lingkungan sumber belajar.

2.interkoneksi antawisipun media kaliyan sumber pasinaon.

3.jumbuhaken nilai-nilai ingkang sae wonten ing pagesangan.

Pungkasaning atur, panganggit ngaturaken sembah nuwun dhumateng sedaya tiyang ingkang

sampun nyengkuyung anggenipun nyerat e-modul punika. Saha atur pangapunten mbok bilih wonten

kalepatan anggenipun nyerat. E-modul punika taksih dereng kawastanan sae, jangkep menapa malih

sampurna. Pramila, panganggit nyuwun pamrayogi saha panyaruwe ingkang tumuju amrih langkung

sae, jangkep saha sampurnaning e-modul punika. Wasana, mugi e-modul punika saged murakabi.

Panganggit

Fitri Nurhayati

Fitri Nurhayati, S.Pd.