Page 24 - Salinan dari MULOK KELAS 4 SD
P. 24
Duunon Mobaca
Bacae a Sirita Apanau !
Tari - Tarian Pogogoul
Tari pogogul teetu tari tarian lripu no bvuol wulyo kaitan nio dungan
tangulyo bvukid pogogul, Tarian Kundia mosirita tentang dudolyo mo
mulyo palre, tembo muno aato sekitar ungag motanaang.
Penari nio walyu tau opat tilo buai , opat tilo mane. Tarian kundia
muno muno nio kolriok motumulyod agu botukan lreged Bvuolyo
Lripu koponuku, indah ta momanari no siapaon, tombunuanon
kolriok mogotad, mopoko birisi tambat, ( mopayat guwa), lyaudo
mopayat, molyopun, mopobirisi pupulyo gongo. Inda nolyaud
molyopun motogolyo momake tutugolyo dagi gongo kodo patok
pakolruingon punu nio kai mogambang mogutu bvuang pomulyoan
palre.
Tarian kundia dondo mongotolyo, kokotolyo nipogutu dagi bellek
pakeanu tomulyang pulyu nio, dondo mogulyok.
Akherlyoi tarian kundia kolriok mogilig abutakio no bvuol nogopit di
momunu aa muka vukid pogogulyo molewatako kambvung-
kambvunganan
18
