Page 39 - Salinan dari MULOK KELAS 4 SD

Ti Ale ni Undud dako bolre nio, tio no tumangit turus ko popean

loyonio nalri numondog. Kua ni tatiino ” katii iiko uma ? ti Ale ta

nobalri” tio ni tambi no tuikan aaunggaka. Ta ti no langsung mo

golya minak tiukan ( tawon )

Ni pogigit tio aato kuni tambi tiukan, komundo – mundog. Ta tiino

ni Ale mo nasehat kunilo totoyu, agu mindanagi nai mo ganggu

tiukan, sabavu no tiukan motonambi, kelepo binatang tiukan ko

baraguna aato manusia. Iko Ale wakutu donggolyo modidik dilamu

giputi – putikan. Iko dilamogu mo meme aku ni mamamu, kobvhu

mo tumangit turus. Oulyo teetu tabunggele noiyapit moponu kuni

mama dilamu ni pogi lrelekiyo dungan madu, pakeano tikopo.

Aherio saat kundonon kumoputikkan ato dilamu noigin, iko turus

no sehat agu iko koginalyon momeme. Kamu kolyo Ala agu Ale,

wakutu kundo kolyo tembo no guu, nigian ni mamamu madu no

tiukan ni jambulyan no polyumbe/polyovungo noigin guu agu

mototolyo po napas kunii togottanum

33