Page 5 - RAQAMLI TRANSFORMATSIYA DAVRIDA PEDAGOGIK TA’LIMNI RIVOJLANTIRISH ISTIQBOLLARI

“RAQAMLI TRANSFORMATSIYA DAVRIDA
PEDAGOGIK TA’LIMNI RIVOJLANTIRISH
ISTIQBOLLARI”

SO‘Z BOSHI

Aziz hamkasblar, qadrli ustozlar va mutaxassislar!

Bugungi kunda raqamli transformatsiya jamiyatning barcha sohalarini tubdan
o‘zgartirayotgan global jarayon bo‘lib, inson hayoti, ishlab chiqarish, boshqaruv tizimi va
albatta, ta’lim sohasiga chuqur kirib bormoqda.

Raqamli transformatsiya ta’lim tizimida katta o‘zgarishlarni keltirib chiqarmoqda.
Jumladan, ta’lim jarayonini raqamlashtirish an’anaviy o‘qitish uslublarini onlayn
platformalar, interaktiv texnologiyalar va masofaviy ta’lim imkoniyatlari bilan boyitishda
qo‘l kelyapti.
Shu nuqtai nazardan Xalqaro Nordik universitetida zamonaviy ta’lim taraqqiyotining
eng dolzarb yo‘nalishlaridan biri — raqamli transformatsiya davrida pedagogik ta’limni
rivojlantirish istiqbollari yuzasidan o‘tkazilgan konferensiya va ilmiy muloqotlar rivojlanish
jarayonlarini yanada jadallashtirishda muhim platforma vazifasini o‘tadi.
Raqamli o‘zgarishlar hayotimizning barcha jabhalariga kirib kelayotgan bugungi
davrda ta’lim tizimi ham yangi bosqichga ko‘tarilmoqda. Endilikda zamonaviy pedagog faqat
bilim beruvchi emas — u raqamli texnologiyalarni chuqur biladigan, ijodiy yondasha
oladigan va o‘quv jarayonini samarali tashkil etishga qodir yetakchidir.
Konferensiya doirasida ilm ahlining tadqiqotlari jamlanishi, tajriba almashinuvi
ta’lim tizimini ilg‘or tajribalar asosida raqamlashtirish, innovatsion yechimlarni tatbiq etish
hamda xalqaro hamkorlikni kengaytirishda muhim qadam bo‘ldi.
Ishonchim komilki, bu to‘plamdan o‘rin olgan maqolalardagi g‘oya va takliflar
pedagogik ta’lim sifatini oshirishga, yangi strategiyalarni shakllantirishga xizmat qiladi.
Barchangizga yanada sermazmun ilmiy yutuqlar, samarali muhokamalar va yangi
hamkorliklar tilayman! Konferensiyamizda ishtirokingiz uchun barchangizga rahmat!

Sherzod Mustafakulov,
Xalqaro Nordik universiteti rektori,
iqtisodiyot fanlari doktori, professor

3

RAQAMLI TRANSFORMATSIYA DAVRIDA PEDAGOGIK
TA’LIMNI RIVOJLANTIRISH ISTIQBOLLARI

https://www.asr-conference.com/