Page 5 - XORIJIY TILLARNI O‘QITISH VA TARJIMA SOHASIDA SUN’IY INTELLEKTDAN SAMARALI FOYDALANISHNING ZAMONAVIY TENDENSIYALARI

“XORIJIY TILLARNI O‘QITISH VA TARJIMA
SOHASIDA SUN’IY INTELLEKTDAN SAMARALI

FOYDALANISHNING ZAMONAVIY

TENDENSIYALARI”

SO‘Z BOSHI

Hurmatli konferensiya ishtirokchilari, aziz olimlar, tadqiqotchilar va
mehmonlar!

Barchangizga Xalqaro Nordik universiteti akademik jamoasi nomidan “O‘zbekiston –
2030” strategiyasida belgilab berilgan ustuvor yo‘nalishlar, xususan, ta‘lim tizimini
modernizatsiyalash, raqamli transformatsiyani jadallashtirish va inson kapitalini
rivojlantirishga qaratilgan islohotlar doirasida tashkil etilayotgan “Xorijiy tillarni o‘qitish va
tarjima sohasida sun’iy intellektdan samarali foydalanishning zamonaviy tendensiyalari”
mavzusidagi xalqaro ilmiy-amaliy konferensiyada faol ishtirokingiz uchun samimiy
minnatdorchilik bildiraman.

Bugungi kunda sun’iy intellekt texnologiyalari ilm-fan, ta‘lim va ijtimoiy hayotning
barcha sohalarida misli ko‘rilmagan o‘zgarishlarni keltirib chiqarmoqda. Xususan, xorijiy
tillarni o‘qitish va tarjimashunoslik sohasida neyron tarmoqlari asosidagi mashina tarjimasi,
yirik til modellari (LLM), nutqni avtomatik tanish hamda generatsiya qilish texnologiyalari
lingvodidaktika va tarjima metodologiyasini tubdan qayta shakllantirmoqda.
O‘zbekistonda xorijiy tillarni o‘qitish sifatini jahon standartlari darajasiga olib
chiqish, malakali tarjimonlar tayyorlashni zamon talablariga muvofiqlashtirish va ta‘lim
muassasalariga ilg‘or raqamli yechimlarni keng joriy etish davlat siyosatining ustuvor
yo‘nalishlaridan biridir. Shu nuqtai nazardan, mazkur xalqaro ilmiy-amaliy konferensiya
dolzarb ahamiyat kasb etib, u ta‘lim siyosati, akademik tadqiqot va amaliy metodika
o‘rtasidagi bog‘liqlikni mustahkamlashga xizmat qiladi.

Ushbu konferensiya xorijiy va mahalliy olimlar, yosh tadqiqotchilar, pedagoglar va
amaliyotchilar o‘rtasida samarali ilmiy muloqotni yo‘lga qo‘yish, yangi g‘oyalar
almashinuvini ta’minlash hamda xalqaro ilmiy hamkorlikni mustahkamlashga munosib
hissa qo‘shadi, degan umiddamiz. Bildirilgan ilmiy xulosalar va amaliy takliflar
mamlakatimizda til ta‘limi sifatini oshirish, raqamli ta‘lim muhitini shakllantirish va
O‘zbekistonning 2030-yilgacha mo‘ljallangan rivojlanish strategiyasini muvaffaqiyatli
ro‘yobga chiqarishda muhim omil bo‘lib xizmat qiladi.

Barchangizga mazmunli ilmiy izlanishlar, yuksak ijodiy muvaffaqiyatlar va yangi
ilmiy yutuqlar tilayman!

Sherzod Mustafakulov,
Xalqaro Nordik universiteti rektori,
iqtisodiyot fanlari doktori, professor

3

XORIJIY TILLARNI O‘QITISH VA TARJIMA SOHASIDA SUN’IY INTELLEKTDAN SAMARALI
FOYDALANISHNING ZAMONAVIY TENDENSIYALARI
https://www.asr-conference.com/