Page 9 - وهج الابوذيه للعتره الهاشميه

‫انا اخت اللا فرح فد يوم بعداه‬
‫ولبست ثوب الحزن ياگوم بعداه‬

‫تمنيت الجرا لحسين بعداه‬
‫ولا راسه تلوحه السمهريه‬

‫===‬
‫فتاوي هالحقد جاهل فتاها‬
‫و اگبور الهدى هدها فتاها‬
‫اريد انشد ابوالحمله فتاها‬
‫يگوم اليوم يگلبها الوطيه‬

‫===‬
‫هالتحجي الغريبه منين من اخيته‬
‫اخويه هالگمر عباس من اخيته‬

‫بالشيله لون اقسم من نخيته‬
‫يدگ صدره انگضت هذي عليه‬

‫===‬
‫وحق كل السور طه وعمه‬
‫نورج عالارض غطه وعمه‬
‫للساده اخت انتي وعمه‬
‫معصومه تظل دره موسويه‬