Page 18 - SINAU BASA RINENGGA KKN LALUNG 2021

18
Tuladhaning Panyandra Mawi Basa Rinengga

Panyandra Upacara Sungkeman (Hariwijaya, 2017: 37-39).

Tan kawawa anandhang dhuhkitaning galih, waspa mijil amarawayan. Tumetesing waspa tumiba

pangkone ingkang rama ibu. Cinandra kadya mutiyara rinonce. Punapata menggah darunane? Jro sumungkem
anguswa pepadane ingkang rama ibu, pinanganten sarimbit anggung enget marang purwaning dumadi. Duk

rikala linairake aneng jadad padhang.

Sepisan, enget marang rama ingkang wus sembada angukir jiwa ragane miwah dadya lantaran
tumuwuh. Kaping kalih, enget marang ibu ingkang wus kawawa dadya papaning yoga brata salebeting nawa

candra sadasa ari, sarta anglelithing anggulawenthah wiwit kalane samana ngantya diwasa.

Eling-eling risang pinanganten wiwit timur mula anggung ginunggung mring pepoyaning kautamen,
TRAVEL amila amung sakedhap netra wus bangkit angusadani onenging nala, nadyan anandhang sungkawa, cekap

sinamun ing samudana.

Waspada ing semu anguningani ingkang putra denira karerantan ing batin, kadya kawiji
MARGIE'S pangandikanira aris, mesi wasitadi, “Anakku, Ngger, Rara/ Bagus....., duk kalane isih mudha isih cilik sra dak

kudang-kudang, yen ta diwasamu bisa winengku dening satriyatama, ingkang sembada angayomi jiwa raganira
ing mangkya tekan delahan. Ing kalungguhan iki, sapira ta lega bungahing atiku, dene kekudanganku jebul wus

dadi kasunyatan.

M