Page 45 - NEBULA

Karya Carpon Karya dari
Karya Carpon
Karya Carpon
Karya dari
Karya dari
M. Taufik Maulana
M. Taufik Maulana
M. Taufik Maulana

MOTOR NABRAK TEU AYA ÉREMAN

Waktos saméméh wangsul sakola, kuring nangkring di
warung sareng réréncangan. Nya kitu pisan pakasaban sapopoé lamun geus sakola téh.
Palingna 10 menitan nangkring téh, lajeng ngeureuyeuh kuring gék naék motor .Sateuacan
mangkat firasat kuring teu genah. Teu lami réréncangan sumping, "Kunaon?" pokna.
Motor maju di jalan kuring ningali bensin seeutik deui. Kuring nyarita "rék ngeusian
bensin heula" éh pas ngeusian bensin turun hujan gedé.

Kuring ngiuhan sareng réréncangan. Tibatan ngantosan hujan nepika peuting, kuring
nuluykeun perjalanan sabari huhujanan. Sabari ngajak ngobrol, di hareup jalan kapegung
caah. Anu nyieun motor rada teu ngeunaheun dibawana Kuring jadi balangah rupana di
payun aya mobil box no asup ka PT Indofood. Ekeur mah motor tarik sareng teu aya
eréman motor nenggar mobil box. Motor ngolong kusabab mobil aya rancangan mabet ka
payuneun stang motor.

Tuur soék ngait kana bemper mobil, kitu ogé calana soék. Kuring tuluy hudang langsung
ménta hampura ka supir mobil box. "Hampura pak motorna teu aya eréman." Ceuk Kuring
nu rumasa salah. Gagara diadu tuur, jadi lalinu. Ditingali téh tuur baréd panjang, pas
ninggal jadi Leuleus. Kuring ngangkat réréncangan ka sisi jalan, tuluy ngangkat motor
kasisi jalan pas ningali motor stépna potong jeung teu bisa dihirupan. Saprak kitu, kuring
pusing soalna motor teu daék hirup. Atuh distép ku réréncangan dugika rorompok.

39