Page 24 - Ветераны

ПОПОВ ПЕТР ИЛЬИЧ

Попов Петр Ильич бэс ыйын 6 күнүгэр Дьабыыл нэһилиэгэр Ампаардаах
алааска төрөөбүтэ. 1935 сыллаахха Дьабыыл сэттэ кылаастаах оскуолатын
бүтэрбитэ. Дьокуускайга учууталлары бэлэмниир икки сыллаах курсу
бүтэрбитэ.Алданнааҕы хайа техникумугар үөрэммитэ. 1938-41 с. Дьабыыл
сэттэ кылаастаах оскуолатыгар физика, математика учууталынан үлэлээбитэ.
1941 сыллаахха атырдьах ыйыгар, 23 саастааҕар, сэриигэ ыҥырыллыбыта.
Бу сыл Иркутскайга 741 нүөмэрдээх артелерийскай дивизияҕа командирдар
курстарыгар үөрэммитэ. 1941-1945 сс. сэриилэһэр армия састаабыгар киирэн
Берлиҥҥэ тиийэ сэриилэспитэ. Аатырбыт "Сетка" пушка командирынан
сылдьыбыта. 1945 сыллаахха Японияны утары сэриигэ кыттыбыта. 1947
сыллаахха лейтенант званиялаах сэрииттэн эргиллибитэ. 1947 -1953 сс. Саха
АССР ис дьыала министерствотын органнарыгар үлэлээбитэ. 1953 сыллаахтаг
Иркутскай уобалас Усолье Сибирское куоратыгар олохсуйан, онно заводка
архитектордаабыта.
Наҕараадалара: "Красная звезда" орден, "За победу над Германией" медаль,
"За победу над Японией" медаль.
Петр Ильич 1960 сыллаахха ыам ыйын 5 күнүгэр оһолго түбэһэн өлбүтэ.
Оҕолоро, сиэннэрэ, хос сиэннэрэ Иркутскай уобаласка бааллар.

Хос сиэнэ Баишева Мичилиинэ 8 “б” кылаас үөрэнээччитэ