Page 6 - This is Your Presentation Title
P. 6
Pangertosan
Unggah-ungguh basa miturut W.J.S. Poerwa Darminta, (443:
1939) yaiku tata pranataning basa miturut lungguhing
tatakrama. Cekake wong micara kanthi unggah-ungguh tegese
bisa guneman kanthi manut tatanan kang lumaku ing bebrayan.
Ngetrapake unggah-ungguh Basa Jawa ateges nggunakake
tataran tembung kanggo ndhapuk ukara miturut sapa sing
nggunakake lan manut wujude unggah-ungguh basa. Ana
tetembungan bisa empan papan kang tegese bisa ngetrepake
marang kahanan lan swasana ing sadhengah papan lan wektu.
Kanthi mangkono bisa gawe sengsem lan ora nglarani atine
wong kang diajak guneman sarta bisa njaga ajining dhiri wong
liya uga pribadine dhewe.
Tataran unggah-ungguh Basa Jawa kaperang dadi loro yaiku :
1. Basa Ngoko : Basa ngoko kaperang dadi loro yaiku ngoko
lugu lan ngoko alus.
2. Basa Krama : Basa krama kaperang dadi loro yaiku krama
lugu lan krama alus.
6
