Page 30 - Bahan Ajar Crita Rakyat
P. 30
Jinise Teks Crita Rakyat
Prelu dimangerteni, jinise crita rakyat iku werna-werna, kaya ing ngisor
iki.
1. Legenda
Legenda yaiku crita rakyat kang nyritakake manungsa kang nduweni
kasekten utawa kaluwihan lan umume gegayutan karo dumadine papan
panggonan.
2. Fabel
Fabel iku biasane uga diarane crita kewan. Fabel utawa crita kewan
yaiku crita kang paragane arupa kewan kang bisa maraga kaya
manungsa. Kewan-kewan ing crita fabel bisa mangan, turu, ngombe lan
ngomong kaya dene manungsa.
3. Mite
Mite yaiku crita rakyat kang ana gegayutane karo alaming lelembut
utawa alam ghaib. Crita mite iku sumbere ora cetha, ora dimangerteni
sapa kang ngarang. Saiki cerita mite iku isih dipercaya dening
masarakat.
4. Sage
Sage iku nyritakake bab kepahlawanan salah sijine paraga utawa tokoh
kang kaanggep apik, lan patut ditiru dening masarakat.
28 | S M P K E L A S V I I
