Page 2 - E MODUL_Neat
P. 2
PURWAKA
Kanthi modul punika panyerat ngaturaken panuwun
ingkang saageng-agengipun dhumateng Gusti Allah ingkang
Maha kuwaos. Inggih namung awit saking berkahipun,
panyerat saged mujudaken e-modul kanthi irah-irahan “E-
MODUL UNGGAH-UNGGUH BASA JAWA”. Dene pikajengipun
panyerat anggenipun ndhapuk e-modul punika sekedhik
tumut nguri-uri kabudayan Jawi. Nguri-uri kabudayan Jawi
kados mekaten punika dados tanggel jawabipun sedaya
tiyang Jawi, kalebet panyerat e-modul punika.
Saklajengipun ing pangajab mugi-mugi e-modul punika
ageng mupangatipun kagem masyarakat Jawi khususipun
para siswa tingkat SMP/MTs ingkang badhe sinau basa Jawi.
E-modul punika dipunserat saking ilmu lan pangetahuan
ingkang dipunangsali panyerat salaminipun pendidikan, sarta
bahan ajar saking sekolah-sekolah. Ananging sinaosa kados
pundi kemawon e-modul punika taksih kathah
kekiranganipun, pramila panyerat tansah mawantu-wantu
nyuwun pamrayoginipun para pamaos sedaya ingkang
saperlu saged kangge njangkepi kekiranganipun e-modul
punika.
Pacitan, Agustus 2021
Panyerat
1
