Page 8 - E MODUL_Neat

BASA NGOKO ALUS

A. Pangertosan

Ngoko alus yaiku basa sing migunakake tembung-tembung

ngoko kacampuran tembung krama inggil. Tembung-tembung

sing kudu nggunakake krama inggil yaiku tembung-tembung

kang ana sambung rapete karo wong sing dikurmati utawa

diajeni.

B. Gunane basa ngoko alus ing pasrawungan, yaiku:

1. Wong tuwa marang wong enom kang perlu diajeni.

2. Wong enom marang wong luwih tuwa sing wis raket.

3. Ngajeni wong sing digunem.

C. Paugeran basa ngoko alus, yaiku:

Tetembungane ngoko kacampuran krama inggil tumrape

wong kang diajak guneman (Orang kedua) lan wong kang

digunem (Orang ketiga) saperlu kanggo ngajeni/ngurmati.

Kosok baline tumrap awake dhewe nganggo tembung ngoko

utawa tembung krama andhap. Dene kang digawe krama,

yaiku:

a. Tembung sesulih purusa (kata ganti orang) panjenengan

(tumrap wong kang luwih tuwa), sliramu (tumrap wong

kang luwih enom), panjenengane utawa slirane.

7