Page 16 - Basa basita paribasa

PEPARIKAN

Peparikan pateh sakadi Wewangsalan, kewanten binanipun

weangsalan punika wantah kalih palet (carik), yening peparikan

kawangun antuk petang palet dados apada (satu bait), taler

mawirama miwah mapurwakanti. Peparikan puniki pateh sakadi

"madah" ring kasusastran Indonesia. Yening sihang ipun minab

sakadi "Pantun", antuk "ri", punika sering masilur dados "ntun",

sakadi; sari, dados = santun. Peparikan, kruna lingganipun "parik",

artinipun; awi (karang), polih pangiring "an" dados parikan,

kadwipurwayang dados: peparikan, artinipun: awi-awian utwai

reragragan.

Peparikan puniki taler sakadi sasimbing indik kahanan kalih polah

janma, kawangun antuk lengkara petang carik dados apada (satu

bait). Lengkarane sane riinan kalih carik dados "sampiran",

lengkarane pungkuran sane kalih carik dados arti sejatine, saha

mawirama purwakanti, (a-b, a-b). Purwakanti punika wenten tatiga,

luiripun: Purwakanti sastra, Purwakanti basa, Purwakanti suara,