Page 13 - e-modul Nyurat Aksara Bali di Lontar

Wangun Aksara Sajeroning Nyurat Lontar

Ring sajeroning nyurat don ental, sasuratan aksara sane

katuekang pada pateh utawi rata, inggih punika

sasuratan saking soang-soang aksara madrue jarak sane

rata, sane kawastanin Natar. Sane pinih utama patut

uratiang inggih punika kakuub aksara. Indik kakuub

aksara punika kakepah dados kalih soroh luire : 1. Tebek

wayah miwah 2. Tebek nguda.

Tetuekan tebek wayah prasida ngamedalang wangun

ukiran aksara sane becik tur nglangenin. Tetuekan tebek

wayah madue cihna sakadi :

1. Makarat utawi wayah : madue wangun aksara sane

becik tur nglangenin.

2. Ngatumbah : madue wangun aksara sane galih, rupan

aksaranyane pinih alit tur bunder-

bunder.

3. Galih : madue tetuekan miwah rupan aksara sekadi jit

tuma, yening nganuunang aksara

nyane nyimbarang yening ngamenekang aksaranyane

nyupekang.

4. Majit tuma : wangun aksarannyane ninutin rupan jit

tuma, nganuunang aksarannyane

nyimbarang, ngamenekang nyupekang.