Page 39 - ATA

Loke kier ta pa duna un oportunidad y evalua e caso. No pa nan so. Wak ken tin e mas

derecho. Rudy Paesch itn 30 aña eybao. Si guestnan no lo gust’e, masha tempo e lo a

haya un carta pa nan sak’e. No ta guestnan ta demanda. Ta algo cu ta direct contra di nan.

ATAKE

Polis y hendenan di DIP a bin atak’e. El a menciona cu e tin cu cumpli cu su huespednan.

E tin reservacion di hopi tempo. E tin cu atende e huespednan pa bay boto. Nan a

contest’e pa bay cana riba beach pa busca hende. E no ta mind di haci’e, pero unda e ta

bay haya su huespednan. Ta contesta cu nan ta duna. Nan cu ta bay eybao, no tin e nocion

di e trabao aki. Nan no sa kico e trabao ta encera. Loke cu Wever y su coleganan ta haci,

ta traha cu turismo. Si ta bin trat’e asina, con nan sa con pa trata cu turista, nan no sa. No

sa kico e cos aki ta. Nan ta hinca den un oficina, cana rond, wak ken ta yama, ken ta laga

di yama. Te dia di awe, Wever no a tende un turista bisa algo.

Turistanan ta keda bin cerca nan y hopi di nan a yega di bin den varios ocasion caba. Si ta

posibel, eynan cuater pa cinco idioma nan ta papia y defende nan mes. Nan ta purba di tur

manera di mantene nan trabao. E no ta mira cu nan ta un estorbo. Si Wever ta un estorbo,

ta kico e hutnan ta e ora?