Page 3 - MIN JUS
P. 3
ORANJESTAD, Aruba
Durante firmamento pa sostene listanan presenta pa partidonan politico a bolbe resulta cu
rijbewijsnan emiti desde 2015-2016 bow responsabilidad di e minister di Husticia, mr. Arthur
Dowers, aparentemente no a wordo traha conforme rekisitonan prescribi. Lo tin minimo como 1500
rijbewijs cu pa es motibo aki no ta wordo considera valido: e datosnan capta riba cierto di e
rijbewijsnan aki no lo ta cuadra cu e informacion oficial na Censo.
Pues atrobe un grupo grandi di ciudadano ta wordo afecta dor di e mal maneho di e minister di
Husticia actual. Mester recorda cu no mucho tempo pasa varios cuidadano di Aruba a hayanan den
gasto adicional durante na viahe pa via di e mal maneho di e mesun minister, ja cu e “rijbewijs
blanco” cu a wordo emiti temporalmente bow su responsabilidad, no tabata wordo reconoci den
exterior pa huur of core auto.
Bikker a recorda den e cuadro aki cu na Hulanda como dos mandatario mester a tuma nan retiro den
un caso similar, conoci como e “Paspoortaffaire”. Aki na Aruba so ministernan di AVP ta haci
errornan grave y e fraccion berde ta keda sostene nan comosifuera nada no a pasa. Esey ta un di e
debilidadnan bisto di e ultimo 16 aňa ora cu cada bes tabata tin gobiernonan di un solo partido y
signatura, ja cu democracia Parlamentario no ta funciona como debe ser ora tin un mayoria di un solo
partido cu ta sostene ministernan ciegamente.
