Page 3 - sja feb 10

Minister Paul Croes ta premira: Reduccion den di
desempleo bou hubentud den 2016

on: February 09, 2016In: LocalNo Comments

Print Email

Durante tratamento di presupuesto 2016 den parlamento, Minister di labor drs. Paul Croes a mustra
cu e ta sigur cu e cifra di desempleo bou di hubentud lo baha. Actualmente e cifra oficial di
desempleo ta na 22.8%. Na 2009 esaki tabata 35.2 %. ” Cu e diferente programanan pa integra
hobennan riba e mercado laboral mi ta sigur cu nos lo tin mas hoben na trabou. E proyecto “Ban
Traha” trayecto hubentud, Sociale Vorming, Leerwerk traject y e Jobfair Nacional lo contribui cu
hobennan lo haya e oportunidad pa aplica pa trabou”, Minister Paul Croes a informa den
Parlamento. Minister Paul Croes ta sinti cu den comunidad y tambe den parlamento tin un tipo di
desconfiansa den nos hubentud. Como minister encarga cu e maneho integral di Hubentud e la
mustra cu berdad tin un grupo di hobennan cu ta wordo considera como ” risico jongeren”, pero e
gran mayoria di nos hubentud ta hobennan conciente y haciendo cosnan positivo. Minister Croes ta
kere cu un poco mas empuhe di mayor y lidernan den nos sociedad nos lo conduci di berdad na
hubennan mas productivo. “Cu e re-apertura” di e refineria tambe nos lo mira oportunidad pa nos
yiunan di tera tambe yega na un empleo fiho”, minister Paul Croes a mustra.

http://masnoticia.com/minister-paul-croes-ta-premira-reduccion-den-di-desempleo-bou-hubentud-den-
2016/