Page 42 - MIN.VOS 3 OCT,2015

AWEMainta Diasabra, 03 October 2015 39
Studiantenan di Hospitalidad
di EPB ta ofrece un lunch di
tres plato, tres biaha pa siman
DURANTE nan aña di graduacion, e stu-
diantenan di EPB ta rekeri pa practica loke
nan a siña, mientras cu nan ta traha cu otro y
cu clientenan den un situacion di restaurant
di bida real.
E Aloe Restaurant y su cushina comercial
profesional ta unda e studiantenan aki ta
entrena, y cu esaki nan ta invitando e publico
en general pa disfruta di un lunch di tres
plato pa Afl. 25.- pa persona, tur diamars,
diaranson y diabierna, mientras cu nan ta
yegando mas serca di nan diploma.
Lunch ta wordo sirbi di 12’or di merdia pa
2’or di atardi, for di dia 13 di October te cu
dia 6 di november, 2015 ora e studiantenan
cuminsa nan break.
E restaurant lo habri bek riba dia 12 di janu-
ari, 2016 te cu 23 di maart, 2016, ora e aña
academico lo yega su final.
Den e cushina, Maestro-Chefnan Orlin
Geerman y Chef Kenneth Blom ta encarga
cu e curiculo, mientras cu François Maduro
ta coach e waiternan studiante di “front of
the house.”
E chefnan, cu experiencia extensivo den
e area di cuminda y bebida, en berdad ta
disfruta di loke nan ta haci, trahando cu e
studiantenan entusiasticamente.
Hunto, e ekiponan di servicio y cushina ta
presenta tremendo lunchnan. Y bishitan-
tenan lo disfruta di e oportunidad pa purba
e cuminda, ya cu e kokinan hoben aki t›e isla
su futuro profesionalnan di hospitalidad.
E menu ta ofrece un tremendo viahe rond
mundo, incluyendo specialidadnan Arubia-
no, Italiano, Frances, Aleman y Hulandes,
bishitando un otro pais cu cada plato.
E seleccion pa cada dia ta determina caba
– cu e excepcion di e pasaboca, cual ta de-
pende riba loke e klas di pastry ta trahando
– y amantenan di cuminda cu ta interesa
den participa den un lunch na EPB por yama
François Maduro of Aart Wittekoek na tel.
528-9791, ext. 152 y pidi pa e menu di dia.
E scol ta pidi pa haci reservacionnan cuater
dia di antemeno, pero, si acaso esaki no ta
posibel, por fabor tuma contacto cu maestro-
nan François Maduro of Aart Wittekoek, pa
puntra si tin luga habri ainda.
E scol di EPB ta situa tegenover di e fabrica di
Aruba Aloe, y e restaurant ta situa banda di
e entrada di oficina di e scol, cu acceso facil
y ofreciendo luganan amplio pa parkeer.
“Nos ta pidi tur hende pa yega na ora, ya cu
esaki ta un klas pre-programa y nos ta pidi
cu si acaso bo mester cancela, por fabor haci
esaki un dia di antemano,” e maestronan a
bisa.