Page 15 - AM220311

Diabierna, 11 di Maart 2022|15

Ministerio di Husticia y Asuntonan Social:

Dos miembro di Guarda Nos Costa (GNC) a ricibi nan

diploma di Spaño

Recientemente, Gobierno di Co-
lombia, pa medio di nan Embahada na
Hulanda, a ofrece un curso di Spaño pa
paisnan di Reino Hulandes.
E curso aki tabatin un duracion di 12 si-
man, y a conta cu participacion di dos
miembro di Guarda Nos Costa, esta;
Sharlaine Lucas y Roderick St. Jago. E
dos miembronan a ricibi nan diploma di
Spaño for di Universidad Pontificia Boli-
variana - Sede Bogotá, cual t’e Universi-
dad cu a ofrece e curso aki.
Den un ambiente ameno, na Cas di Cul-
tura, a haci entrega di e diplomanan. E
diploma wordo entrega pa su excelencia
Embahador di Colombia pa paisnan di
Reino Hulandes; Lic. Fernando A. Gri-
llo-Rubiano.
Segun Director di Guarda Nos Costa sr.
Richard Kramers, e curso aki ta di balor
agrega p’e ekipo di GNC, den cuadro di
mehoracion di comunicacion den e tere-
no, ora ta trata cu esnan cu, unicamente
ta papia y compronde e idioma Spaño.
Minister di Husticia y Asunto Social sr.
Rocco Tjon, a manda palabranan di pa-
bien n’e dos miembronan di GNC cu a
sigui y termina e curso aki, y na mes mo-
mento ta contento di mira e interes cu
tin pa reforsa aun mas e ekipo aki.

Paul Gielen instala como Chairman di AHATA pa 2022

Aruba Hotel & Tourism Association
(AHATA) a instala su Hunta di Directi-
va nobo pa aña 2022 durante e prome
asamblea general di 2022.
E Hunta di Directiva a wordo eligi door di
miembronan di AHATA durante e asam-
blea general cu a tuma luga na Novem-
ber 2021. Normalmente e instalacion ta
tuma lugar den asamblea na Januari,
pero pa motibo di e ola di COVID na
Januari a hala e reunion pa Maart.
E hunta nobo ta consisti di 13 miembro;
11 miembro activo y 2 miembro aliado,
y Paul Gielen, gerente general di Re-
naissance Wind Creek Aruba Resort &
Casino, a keda instala como Chairman.
E hunta ta traha hunto cu e Presidente y
CEO, Tisa LaSorte, pa establece e strate-
gia di e asociacion. AHATA su meta pri-
nicipal ta pa yuda sigura un industria di
turismo productivo pa sostene economia
di Aruba.