Page 5 - MIN ON

STUDIANTENAN TA HAYA DIPLOMA

EKIVALENTE NA HAVO “DIA MI A WORDO

NOTIFICA CU MI A DRENTA GED TABATA E

DIA DI MAS FELIZ DI MI BIDA”

August 15, 2017 Admin Uncategorized Leave a comment

Storianan di entusiasmo cerca esunnan cu a drenta ‘GED Program’ pa por caba
scol

ORANJESTAD: Ministerio di Enseñansa hunto cu International School of Aruba
a introduci e programa GED, un iniciativa pa brinda un oportunidad pa esnan cu
ainda no a logra un diploma na nivel di Enseñansa Secundario, of pa esnan cu a
caba un nivel di Enseñansa cu no ta suficiente pa sigui studia na nivel superior,
of asta ta personanan cu ta trahando caba pero ta desea di sigui crece na nan
compania. Minister di Enseñansa, Michelle Hooyboer-Winklaar ta sostene e
programa aki completamente, pasobra na final e studiante lo haci un diploma
ekivalente na HAVO.

Reyvick Piña ta un di e personanan cu lo beneficia di e programa aki y ta pensa
cu e programa GED lo yud’e pa tin un miho futuro. Nunca el a haya un diploma
di scol pero e kier crea un miho futuro pa su mes den e areanan di trabao cu e
tin experiencia caba den dje cual ta turismo y horeca.

E motibo pakico e no a caba scol, EPB Horeca, ta pasobra algun maestro a bully
su persona. “Mi tabatin juffrouw di scol cu a bisa mi cu nunca lo mi logra nada y
cu mi lo ta un persona cu e lo mira banda di caminda ta pidi florin. Mi tabatin un
juffrouw cu a yega di dal mi un canti’man. Ora mi a bay geef door na e director,
nan a kita mi for di scol pasobra mi a bisa un palabra vulgar despues cu e
juffrouw a dal mi”. Reyvick Piña a indica cu a kit’e di scol cu 16 aña y ora el a
bay inscribi otro aña, nan a bis’e cu e ta mucho grandi y e no por a bay scol den
dia mas