Page 2 - AVB
P. 2
28 AWEMainta Diamars, 10 April 2018
Deporte
FC San Nicolaas ta gana Estudiantes
DIADOMINGO 8 di April a tuma lugar den Stadion
Frans Figaroa na noord e continuacion di e campeonato
di futbol Division 1 Grupo A 2017/2018
Caminda cu FC San Nicolaas a topa contra di Estudi-
antes,
FC San Nicolaas actualmente ta na di 4 luga den grupo
A y Estudiantes ta na di 7 luga riba e standing.
Den un wega caminda e ekipo di FC San Nicolaas a sa
di domina e wega den e prome 45’ nan di wega.
FC San Nicolaas ta logra habri e marcador na di 4’ di
wega caminda nan ta haya un tiro directo y aki nan ta
Ronaldo Arrindel #5 riba su camiseta cu ta e Capitan
di e ekipo ta los un tiro violento cu e keeper di Estudi-
antes no por a haci nada cu ta bay piki e bala den net,
y asina FC San Nicolaas ta bay ariba 1-0.
Na di 34’ di wega Estudiantes ta haya un tiro directo
caminda cu e hungado #5 cu ta e veterano Lesli Filo-
mena ta los un tiro cu dal bou di e tubo pa despues bai
pica tras di liña pa asina nan empata e wega na 1 un gol.
Na di 38’ di wega riba un tiro di skina pa FC San Nico-
laas e hoben #13 Julio Adonis ta logra score un gol di
cabes pa manda su team ariba 2-1. Faltando 2 ‘ pa final
di e prome tempo riba un contra atake meymey di tere-
no e hoben #12 Manuel Reyes ta kita e ultimo homber
pa despues kita e keeper pa despues deposita e bala den
net pa FC San Nicolaas bay ariba 3-1.
Den e prome tempo FC San Nicolaas a haya hopi bon
oportunidad y tambe a hunga un miho futbol cu su
contrincante, Estudiantes a haci algun atake riba gol di
FC San Nicolaas pero no di mucho peliger.
Den e di dos parti di wega pa ser exacto na di 68’ di
wega Frederick Brown #8 ta amplia e score na 4-1.
Na di 71’ di wega ta e mes un Frederick Brown #8 ta
bolbe pone un gol mas riba su nomber pa manda FC
San Nicolaas ariba 5-1.
Den e di dos tempo e wega a cay den otro caminda cu
cansancio a hunga un rol compara cu e prome tempo
caminda e wega tabata wordo hunga cu mas velocidad.
FC San Nicolaas ta gana e wega cu e score di 5-1.
Fotonan cortesia Hubert de Cuba
