Page 7 - AWEMAINTA
P. 7
Dialuna, 28 october 2019 AWEMainta 7
Velero Beyond Infinity salba di kibra riba rif
DIAHUEBS ultimo e oficial na warda na Aruba, a
haya informacion via di Centrale Post cu tin un velero
den problema y ta pidi pa asistencia. E velero, Beyond
Infinity e momento ey tabata na altura di Roger’s
Beach cu 3 persona abordo.
Mesora e Metal Shark di Guardacosta a ser poni den
accion y asina na altura di Barcadera a logra haya e
velero y tou esaki hiba na haf di Barcadera.
E capitan di e velero a duna di conoce cu el a sali for
di Aruba direccion pa BVI, pero na caminda a haya
problema cu cu bela.
E capitan a dicidi pa bolbe pa Aruba, pero unabes den
becindario di Aruba, a haya problema cu su motor.
A dicidi pa cuminsa drief y casi a bay pega riba rif.
E personanan abordo sigur tabata masha contento di
mira Guardacosta den nan direccion y asina por a tou
nan hiba tera, si cu ningun di nan a sali di malo.
