Page 15 - MIN ON AUG 06

B4

localDiahuebs 6 Augustus 2015

E ultimo grupo di studiantenan a yega bon Hulanda

DEN HAAG – Diaranson 5
di augustus a yega e di tres
y ultimo grupo di studiante
Hulanda. Tur e 85 studian-
tenan a yega bon cu vuelo
765 di KLM.
Na Schiphol un delegacion
consistiendo di Minister
Plenipotenciario di Aruba Al-
fonso Boekhoudt, directora
di Gabinete di Aruba Shandra
John, funcionarionan di De-
partamento di Enseñansa di
Gabinete di Aruba, mentor y
miembronan di e POC (Plaat-
selijke Opvangcommissie) a
ricibi e studiantenan. Minister
Boekhoudt a topa e studiantenan na e porta y a compaña nan
te cu nan a busca nan maleta. Asina el a tene un intercambio
personal cu e studiantenan.
E aña aki a scoge pa yama e studiantenan bon bini na Hulanda
na un otro manera. No pa medio di un discurso na aeropuer-
to, pero den un video den e bus Minister Plenipotenciario
Alfonso Boekhoudt a yama e studiantenan bon bini. Entre
otro e mandatario a bisa cu nan a bin studia na un pais cu otro
custumber y idioma. Tambe el a menciona e retonan, sigur
den e prome aña.
Tambe e video ta contene un parti na unda directora di Gabi-
nete di Aruba Shandra John ta duna e studiantenan algun tip,
manera pa nan ta cuateloso pa firma contractnan di compa-
nianan cu ta acerca nan ariba caya of via e-mail. Alabes Sra.
John a bisa cu e studiantenan e aña aki a ricibi un suma grandi
for di Aruba pa cubri nan gastonan pa un periodo largo y cu
nan mester bay atende bon cu nan presupuesto.
E prome aña e studiante ta ricibi guia di e mentor, pero pa e
resto di su estudio e ta cay bou di Gabinete di Aruba. Fun-
cionario di departamento di Enseñansa di Gabinete di Aruba
Ivonne Navas den e video ta bisa e studiante pa like Facebook
di Departamento di Enseñansa unda nan por keda na altura
di loke ta pasando. Tambe via di Facebook nan por haci un
pregunta of duna nan comentarionan. Tambe un peticion na
e studiantenan pa bishita e website arubastudent.com pa in-
formacion relevante tocante di nan seguro.
Na final di e video Minister Plenipotenciario Alfonso Boek-
houdt ta bisa cu e ta spera cu e informacion brinda lo contri-
bui na exito di e estudio y cu e diploma na final ta un sentido
di orguyo pa nan mes, nan famia, pero tambe pa Aruba.
E grupo di awe tabata consisti di studiantenan pa Amster-
dam, Rotterdam, Eindhoven, Breda y Tilburg. Mañan nan
lo participa na un programa di recepcion obligatorio den nan
ciudad di estudio y cu lo dura tres dia.
Ariba e website di Cas di Aruba www.arubahuis.nl tin un re-
portahe fotografico extenso di e yegada di tur e tres gruponan
di studiantenan.q