Page 15 - MIN.JUS JUNE 12
P. 15
AWEMainta Diabierna, 12 Juni 2015 15
Minister Arthur Dowers a splica PARLAMENTARIONAN Desiree de Sousa Croes
Comision Fiho di Husticia y di y Mervin Wyatt Ras a yama ayera un reunion sera
Asunto Social di situacion na cu caracter di urgencia di e comisionnan cu nan ta
Orthopedagogisch Centrum presedi respectivamente, esta di Husticia y di Asunto
como di Boot Camp Social riba e topiconan Cento Orthopedagogico y
Boot Camp.
Den prensa y medionan social por a lesa y scucha
masha hopi noticia y comentario riba e dos topiconan
aki e ultimo dianan cu a pasa. Esaki a capta atencion
di miembronan di Parlamento tambe cu kier tende
di Minister mes loke a pasa, y loke lo bay pasa den
e dos casonan.
Aunke e casonan riba nan mes ta hopi diferente na
otro, tur dos ta trata hoben y institucionnan cu di
of otro manera ta parce di a faya nan. Den caso di
Boot Camp, te awor ta mustra di ta un caso di “bon
intencion, pero mal ehecucion”, unda personanan
cu kier yuda guia hobennan cu ta den mal caminda
a cuminsa ehecuta un bon idea na un mal manera.
Pa por traha cu hobennan, sigur hobennan
problematico, no ta “bon intencion” so bo mester,
pero tambe conocemento, experiencia y hopi
dedicacion. Den situacion asina “bon intencion”
pero falta di conocemento por ta hasta dañino p’e
mes hobennan cu e iniciadornan kier a yuda na
prome lugar. Esey ta tambe loke por a mira awor
cu a pasa. Cu masha poco ayudo financiero a zet
op un proyecto, pero na caminda a resulta cu falta
conocemento pa traha cu un grupo basta dificil.
E caso aki, unda algun cliente a entrega keho di
maltrato di parti di un of mas dirigente, ta wordo
investiga y Minister Dowers a informa comicionnan
di e desaroyonan rond di dje.
Den caso di Orthopedagogisch Centrum ta trata di
trahadornan di e centro aki cu lo a haci nan mes
culpable na actonan inmoral cu hobennan cliente
di e institucion. Mas detaye no por divulga, ya cu e
caso sumamente serio aki ta bou investigacion. Como
cu ta trata di mucha y hobennan secrecia ta di sumo
importancia. Parlamento lo sigui e caso aki di cerca.
