Page 48 - MIN ON

Parlamentario Kelly a compronde cu tin personanan adulto tambe ta haciendo uzo di e
programa aki, locual sigur ta di aplaudi. Na final e programa GED ta duna e posibilidad
pa sigui studia o sea na Universidad aki na Aruba of den exterior.

E programa GED ta un inversion di 600 mil florin cu ta wordo subsidia pa Gobierno di
Aruba via e Onderwijsfonds cu Parlamento a aproba algun luna pasa.

Parlamentario Kelly ta contento di mira e entusiasmo cu e programa aki a spierta den
esnan cu tin e gana di sigui padilanti y asina termina nan estudio. E diploma cu e
studiante lo ricibi na final ta ekivalente na un diploma di Havo y esaki consecuentemente
ta habri porta pa studiantenan por drenta un college na Merca y na Hulanda ta reconoce
esaki na un HBO.

GED ta forma parti di e ley di Onderwijsfonds cu Parlamento di Aruba a aproba y awe
nos ta mira cu e ta dunando su frutanan pa asina duna cada individuo cu kier sigui studia
e posibilidad pa haci esaki.

Parlamentario Kelly ta finalisa deseando tur esnan cu a inscribi pa sigui e programa aki
hopi exito.

http://awemainta.com/parlamentario-jeffrey-kelly-e-programa-ged-lo-expande-
posiblidadnan-pa-sigui-studia/