Page 13 - AM210127

Diaranson, 27 Januari 2021 AWEMainta 13

Accidente serio riba Green Corridor a laga dos

persona herida atras y hopi daño material

DIAMARS den oranan di mainta pasa di 11’or infor-

macion a drenta di un accidente serio na Pos Chikito,

riba Green Corridor entre e brug nobo y rotonde di Pos
Chikito.

Patruya di Trafico cu ta na Balashi mesora a sali pa

tira bista y berdad mey-mey caminda a topa dos truck,
un di e compania Bright Bakery y e otro ta un cu ta

zorg pa mantene e berm di Green Corridor.

No ta conoci pa nos exactamente con e accidente a sos-

ode, pero informacion cu nos ta dispone di dje ta indica
cu e truck di Green Corridor tabata haciendo trabou di

mantencion.
Dos persona a resulta herida, e chauffeur di e truck di

pan lo a ricibi un herida na su man y un trahador di

Green Corridor tambe a resulta herida, pero no sa con
grave.

Rotonde di Drive In a wordo cera direccion pa San
Nicolas y rotonde di Pos Chikito direccion Oranjestad

mesun cos. E motibo tabata cu unda e autonan a dal,

ambos banda di caminda tabatin cos gespart, y e au-
tonan a keda pega cara pazuid riba e berm.

Dos ambulance a presenta y a transporta esnan herida

pa Hospital. Representante di ambos compania a pre-

senta n’e sitio pa tuma nota di loke a sosode.