Page 59 - ARUBA BANK
P. 59
Gobierno di coalicion ta keda bisa di no tabata tin conocement di finansa publico.
Durante campaña partido MEP a bisa y priminti di tin e solucion pa e retonan di nos
finanzas publico sin tin mester di introduci medida, pero awe cu nan ta den Gobierno e
storia a bira totalmente diferente. CAFT ta dunando nan un espacio sin precendente – esta
di logra un norma cu ya caba a wordo logra entre 2015-2016 – y ainda no por cumpli cu
n’e.
Como Gobernante bo a wordo elegi pa tuma decision y no pa pusha bo responsabilidad
riba scochi di e Gobierno anterior. Si como Gobierno bo carencia di proactividad ta
conduciendo deliberadamente na un situacion unda cu Gobernador por haya un
instruccion riba tereno di finanzas publico, pa medio di un decreto real – un asina
yama KB – ta ilustra un falta capacidad y cu promesanan di campaña no tabatin base.
