Page 8 - AWEM

8 AWEMainta Dialuna, 14 September 2015

Minister Dowers
contento cu e
cooperacion
cu Fiscal
Zondervan
den trafico

MINISTERIO di Husticia ta hopi agradecidi na loke

Fiscal saliente Jaap Zondervan a haci na Aruba pa loke
ta trafico.
Pesey tambe a tuma un despedida special p’e oficial di
husticia den su oficina.
Minister di Husticia Arthur Dowers a splica cu a traha
hopi estrecho cu Zondervan riba tereno di trafico, cu ta
un prioridad grandi di e Gabinete.
A probecha e momento ey pa combersa riba diferente
aspectonan cu ta pendiente pa traha riba nan, algun
cambio cu mester wordo haci den leynan di trafico pa
por garantisa cu e ta mas sigur, y sigui preveni e dañonan
sufri den trafico.
“Ta hopi cos a cambia den trafico e ultimo seis añanan,
entre otro centralisacion di Depto di Trafico pa logra un
efectividad hopi mas grandi riba caya. E brigada mes di
Polis motoriza a logra basta mehoracion, principalmente
den maniobra cu e brommernan.”

E Minister a menciona tambe cu tur loke a wordo haci
cu Zondervan no solamente tabatin impacto den com-
portacion of sancion di e persona cu ta envolvi den
cualkier infraccion di trafico, pero e tin un efecto rib’e
sociedad tambe.
Minister Dowers ta haya cu e trabou haci tabatin un rel-
evancia social masha grandi ora cu p.e. hinca un persona
den un curso p’e no comete e mesun infraccion bek, pero
tambe ta contribui n’e siguridad general di e comunidad.
A constata tambe cu e hendenan cu a participa den un
curso asina, despues cu nan a wordo atrapa ta core bou
influencia, nan mes ta trata di influencia otro cu un
comportacion positivo y ta logra mas consciencia di e
ciudadanonan den trafico.
Minister Dowers ta contento cu loke a wordo logra y e
cooperacion, pero ta admiti cu tin algun paso cu mester
wordo tuma ainda.
“Tin un bon cooperacion entre nos departamento y Polis
y otro instancianan cu ta responsabilidad pa siguridad
y trankilidad riba caminda.”