Page 21 - AWM 24JUNE2017
P. 21
AWEMainta Diasabra, 24 Juni 2017 21
Actividadnan Inovativo ta tuma lugar durante e
Wellness Month na Amsterdam Manor Beach Resort
Wellness Month na Amsterdam Manor Beach Resort
JUNI t’e Aloe ‘Wellness Month’, un iniciativa di oficina di
Turismo di Aruba unda cu diferente hotel ta participa pa ofrece
e ambiente perfecto pa revitaliza nos mente, curpa y spirito cu
actividadnan inovativo den e mundo di turismo. P’e motivo aki
Amsterdam Manor Beach Resort a dicidi di participa den e inicia-
tiva aki y nan a agrega na nan calender, diferente actividad físico,
gastonomico y di relax.
E actividadan ta tuma lugar den diferente ora di dia. Parti mainta,
asina cu solo sali, e participantenan por core 5k of 10k cu e GM.
Esaki ta un oportunidad riba diamars y diahuebs y tur persona cu
registra na front office, por core banda di Eagle Beach hunto cu e
GM di Amsterdam Manor, cu ta un coredor di marathon na varios
parti di mundo.
Tambe por a participa den ‘Yoga on the Beach duna pa Elida’, cu
a tuma lugar den na un di e lugarnan di mas emblematico di Eagle
Beach, dilanti di e palonan di Fofoti.
Tambe riba diamars, pero durante e bahada di solo, Amsterdam
Manor a introduci Sunset Tai Chi on the Beach. Esaki ta un master
class duna riba santo blanco di Eagle Beach y di e manera aki re-
carga e baterianan cu e energia mistico di solo durante cu e ta baha.
Otro actividad inovativo t’e ‘Healthy Cooking Demonstration’ na
encargo di e Chef Jerrgette Erasmus, kende a introduci e partici-
pantenan na un par di receta simple y saludabel manera wraps,
smoothies y juices.
Amsterdam Manor Beach Resort a comprometi no solamente cu
e sostenibilidad di nan propiedad, sino cu e bienestar di nan em-
pleadonan y huespednan. Nan ta kere den incentiva y motiva nan
empleadonan con pa maneha nan comportamento, nan salud, in-
troduci nan mes na algún actividad físico, reduci costonan general
y di e manera aki, mehora nan calidad di bida.
Actualmente mas cu un compromiso di Amsterdam Manor, e ta un
pasión. Nan ta traha cu hopi energía y nan kere den nan misión
di incentiva cu programanan di ‘Wellness’ integral t’e caminda pa
logra un salud duradero.