Page 134 - KPA
P. 134
Asina a dicidi conhuntamente cu Parlamentario mr. Andin Bikker di firma un
letter of intent pa bay institui un academia yama “Caribbean Security Institute”,
unda cu lo bay haci research y duna cursonan anual.
E academia aki lo percura pa mas cu 300 turista bin Aruba pa seminarionan
anual cu lo wordo organisa dor di e academia, y di e manera aki ta subraya cu
den Caribe y specialmente na Aruba tin atencion p’e dimensionnan di seguridad
di turismo, seguridad en general di nos pueblo, y pa asina yama “Event risk
managment”, esta seguridad durante eventonan.
Dr. Peter Tarlow tin mas cu 25 aña ta duna curso y conseho na diferente lugar
rond mundo, entre otro na Las Vegas, Merca, cual destinacion ta haya un
averahe di 43 miyon turista pa aña.
Den e letter of intent firma ta expresa cu den transcurso di 45 dia lo bay over
na incorpora e academia unda cu lo bay enfoca riba Aruba y Caribe. P.e.
hermana isla Corsou tin hopi atencion riba seguridad di turismo cu creacion
reciente di “PoliTur”, esta un departamento di Cuerpo policial cu ta dedica na
seguridad di turista.
Ya caba Cuerpo policial di Corsou ta haciendo uso di e expertisio di dr. Peter
Tarlow. Andin Bikker ta considera cu e prome paso tuma pa medio di e letter of
intent pa creacion di Caribbean Security Institute algo sumamente positivo y
historico pa nos industria di turismo y nos pueblo en general.
Testigo di e ceremonia di firmamento di e letter of intent tabata e.o. sr. Ernst
Mohamed, Presidente di Camara di Comercio y Industria, kende basicamente a
expresa di ta haya e iniciativa uno hopi positivo pa nos isla.
https://extra.cw/2017/07/a-firma-letter-of-intent-pa-incorpora-caribbean-security-institute/
