Page 80 - KPA

2 AWEMainta Diaranson, 5 Juli 2017

Landsrecherche tin investigacion di e

caso di tiramento fatal na Boegoeroei

PA contraresta tur speculacion cu tabatin, Landsrecherche cu tin
e caso di tiramento na Boegoeroei bao di nan investigacion tin un
testigo, un menor di edad, kende a duna di conoce cu debidamente
e agente policial prome di a tira riba e agresor, tabata grit’e: “Pa
pone e bloki abao, of lo mi tirabo”, pero e homber, Ericho Jimmy
Tjong Kon Sang no a duna oido y mirando con e tabata sigui bati
e agente policial, Tino Ruiz, no a keda su colega nada otro di los
primeramente un tiro di advertencia y despues a sigui algun tiro mas
dirigi cu a causa morto inmediato di e agresor.

Esaki nos ta duna di conoce awe, pasobra manera den tur caso, e
mihor expertonan ta para na banda, kendenan ta di opinion cu e
Polis mester a los un tiro di advertencia prome cu el a tira dirigi,
causa morto di Ericho Jimmy Tjong Kon Sang.
Durante e conferencia di prensa mesun anochi, Alto Comisario, Dolfi
Richardson sin kier stroba Landsrecherche den nan investigacion, a
confirma e version aki tambe.

Riba e pregunta, pakico ta Landsrecherche ta haci e investigacion,
esaki ta un procedura normal di acuerdo cu ley, cu ora un Polis haci
uso di su arma reglamentario, ta Landsrecherche lo haci e investiga-
cion.
Nan a cuminsa di biaha cu e investigacion, unda a interroga varios
hende, hasta e bisiñanan, y den su mayoria tabata bisa cu e victima
agresor, ta un persona masha problematico, ta un usador di droga,
cu ta causa di su agresividad constante.
Cu ta motibo cu tur biaha e mama ta pidi asistencia policial y pesey
e direccion Boegoeroei 50, no ta un direccion desconoci pa Polis.