Page 23 - awem june17

AWEMainta Diaranson, 17 Juni 2015 23

Comite NPU-Mabon hunto cu
FFCA a organisa:

KOFFIEMORGEN
pa nos
grandinan di
60 plus di bario
Mabon

DIAHUEBS cu a pasa nos grandinan a pasa un dia hopi

gezellig den e kofie morgen cu a tuma lugar den e parke cu
tin den Mabon mes.
Nan tagata asina contento di a cuminsa haya atencion. Hopi
di nos grandinan ta na cas y no tin mucho di haci.
Esnan cu ainda ta biba cu nan famia mas tanto ta na cas ta
cuida e nietonan, mientras cu e yiunan tin cu bay traha.
Tin hopi grandi cu tambe ta biba nan so.

E dia ey tabata asina bunita ora cu tur a bin y reuni hunto.
Mientras cu nan tabata disfruta nan mes den e koffiemorgen,
nan a cuminsa ta aserca nan mes cu hopi peticion y ideanan
n’e comision di bario y na FCCA.
Nan ta desea di por haya mas actividad y nos lo bay cumpli
cu nan peticion tambe.

Gloria Buddy y Amalia Maduro kende ta forma parti di e
comision di bario t’esnan encarga pa zorg pa tur actividad
cu ta pa nos grandinan. Un di e peticion haci dor di nos
grandinan cu a resalta ta cu nan ta desea pa reuni si ta posibel
tur siman.
Nan ta desea pa den bario mes por tin manera cu tin na
Centro Kibrahacha.
Nos lo bay honra nan peticion y lo yame: “Amor pa nos
Grandinan”.

Tambe tabata presente Bus di Salud. Nos grandinan ta sabi.
Nan a bay check nan salud prome cu a bay come pa dokter
no mira cu nan a come pastechi, croquette y bolo y mas,
hahahahahaha.
Ta hopi importante pa nos grandinan no wordo lubida. Nan
t’e prome personanan balente y trahador cu a pone e prome
piedra y a habri caminda pa otro por sigi.
Yiunan mester cuida nan p’asina e nietonan por sigi cu e
mesun cuido pa ora cu nan mayor yega na un edad mas halto
y nan cuida nan tambe.

Pronto lo tende di mas actividad cu lo continua pa nan den
bario. Astrid Vries kende t’e Presidente di e comision ta
gradici Gloria y Amalia kendenan tin nos grandinan na pecho
y tambe sra. Rose Ann di FCCA pa tur sosten cu e ta duna na
nos bario tanto pa nos grandinan y tambe na tur habitante.
Riba potret por mira con dushi nan a pasa!!