Page 8 - awem june17
P. 8
8 AWEMainta Diaranson, 17 Juni 2015
Jan de Ruijter DIAMARS Corte Comun den Apelacion di Husticia a
MESTER RECTIFICA
duna su veredicto den e caso cu Minister Otmar Oduber a
Pa di 22 biaha Huez a dicta na fabor di Minister apela contra Jan de Ruijter y pa di 22 biaha Huez a dicta
Otmar Oduber na fabor di Minister Oduber. Den e decision di Hof por
lesa cu Jan de Ruijter mester rectifica dentro di 1 siman
di tempo riba prome pagina di Solo di Pueblo y website
Boletin Extra de lo contrario e mester paga un suma di
mil florin pa dia cu e no rectifica te na un maximo di 50
mil florin.
Durante un encuentro cu prensa Minister Otmar Oduber
a indica cu esaki t’e caso unda cu Huez a bisa cu e no
ta considera cu ta necesario pa trata e caso den un kort
geding y cu a wordo interpreta pa sr. Jan de Ruijter
e tempo ey como un ‘carte blanche’ pa sigui insulta
e mandatario y bisa cu tabatin corupcion y actonan
fraudulento den e casonan di entre otro Hard Rock
Hotel y Casino. A base di esaki diferente satelite di
MEP y e mesun MEP tabata colga n’e declaracionnan
aki continuamente.
Pero tur esey a yega na un fin, diamars mainta 3 Huez
a dicidi cu Jan de Ruijter mester rectifica den Solo di
Pueblo y boletinextra.com. Minister Oduber ta spera
cu e otro medionan di comunicacion cu a sa di usa e
expresionnan aki di Jan de Ruijter usa e veredicto aki
tambe y mustra riba e hecho cu e acusacionnan tabata
totalmente riba un base falso. Den e veredicto Huez a
pone den forma extenso, cual no ta sosode usualmente,
tur lo cual de Ruijter mester rectifica. Esaki ta cu el a
actua den un forma ilegitimo dor di a lanta e impresion
robez cu e tin prueba di e validez di e acusacionnan
presenta den e articulo contra Minister di Turismo,
Transporte, Sector Primario y Cultura Otmar Oduber y
tambe dor di a mara e acusacionnan aki n’e conclusion
cu sr. Otmar Oduber ta corupto.
E mester finaliza su rectificacion bisando cu e no tin
ningun prueba di e validez di e acusacionnan y cu e
no por a saca dicho conclusion.Huez a pone tambe un
dwangsom di mil florin pa cada dia cu Jan de Ruijter no
cumpli cu sentencia di Huez te na un maximo di 50 mil
florin y tambe mester paga p’e gastonan di Hof y tambe
gastonan di Minister Oduber pa loke t’e kort geding.
Esaki ta di 22 biaha cu Huez ta dicta na fabor di Minister
Otmar Oduber, cu mester ta un mensahe cla pa partido
MEP y p’esnan manera Jan de Ruijter pa nan stop cu e
tipo di acusacionnan aki. Minister Oduber ta spera cu
nos medionan di comunicacion cu tin e tarea di educa
pueblo, cu mester pasa e informacion corecto, pa midi
e tipo di informacion cu ta wordo saca, pasobra esaki ta
un vonnis cu a cay diamars, pero ta un caso cu tabata
tumando lugar pa 11 luna.
11 Luna durante cual algun medio di comunicacion,
algun satelite di oposicion a keda usa e expresionnan
di Jan de Ruijter, lubidando cu comunidad di Aruba no
ta wordo sirbi cune.Minister Otmar Oduber ta spera cu
esaki ta pone un final n’e tipo di lastramento asina cu ta
tuma lugar den nos comunidad.
