Page 26 - AM240802

26 DEPORTE AWEMainta
WEGANAN OLIMPICO PARIS 2024
#TEAMARU:
Ethan Westera ta avansa pa cuartonan
di final den windsurfing masculino
ETHAN Westera a sigura su puesto den e cuartonan di
final di e competencia di Windsurfing Masculino, despues
di un rond competitivo di tres dia. Despues di completa un
total di 13 careda, Westera a posicioná su mes entre e top
10 competidonan. Den e caredanan di ayera, Westera a
demostra un habilidad y consistencia remarcabel. El a logra
un di 8 luga den su prome careda, sigui pa un impresion-
ante di 2 luga den e di dos, y un di 6 luga den e careda final
di dia. E resultadonan aki a pone na di 9 luga overall riba e
tabla di lidernan.
E cuartonan di final ta programa pa cuminsa awe pa 2’or di
atardi, ora di Paris (8’or di mainta, ora di Aruba). Fanaticonan
ta ansioso pa mira con Westera lo actua mientras e ta sigui
competi pa un posicion top den e evento prestigioso aki.
Hopi exito na Ethan Westera!
#TEAMARU:
Mikel Schreuders cu un tremendo prestacion
E landado Arubano Mikel Schreuders a entrega un tremendo
presentacion n’e Weganan Olimpico Paris 2024. Compitiendo
Diabierna, 2 Augustus 2024
den e 50m estilo liber, Schreuders a landa den heat 6, liña
6, marcando un bunita tempo di 22.14 seconde, sigurando
e di 3 luga den su heat. For di 74 competido, Schreuders a
termina na di 26 luga overall despues di 10 heat. Aunke e no
a avansa p’e semi-final, cu ta rekeri un resultado den e top
16, su esfuersonan tabata di admira.
Esaki ta marca e di tres aparicion Olimpico di Schreuders, un
logro notabel como e prome atleta Arubano pa cualifica cu
un tempo A. E Comite Olimpico Arubano a expresa orguyo
den Schreuders pa su dedicacion y representacion ehemplar
di Aruba den e deporte di landamento.
E trayecto di Mikel Schreuders na Paris 2024 ta destaca su
compromiso inkebrantabel y ta sigui inspira atletanan aspi-
rante di Aruba.
#TEAMARU:
Just van Aanholt a cuminsa competi den Marseille
E spirito competitivo ta bibo y presente mientras Just van
Aanholt ta cuminsa su participacion den e disciplina di Men’s
Dinghy awe. Representando nos isla cu orguyo, van Aanholt
ta un di dos atleta cu ta mustra nan talento riba e esce-
nario internacional aki. Van Aanholt a cuminsa su caredanan
merdia, completando exitosamente dos di e dies caredanan
programa. Su actuacion den e prome careda a hib’e na un di
26 luga, mientras el a sigura e di 39 luga den e di dos careda.
E resultadonan aki ta posicion’e na di 37 luga overall den e
clasificacion te awor. E competencia ta leu di caba, ya cu van
Aanholt ta programa pa continua su buskeda pa excelencia
mañan cu dos careda mas programa. E comunidad di e isla
ta observa cu anticipacion y sosten mientras e ta competi
na Marseille, ansioso pa mira su progreso den e →