Page 40 - ARUBA BANK

Loke a sosode ta cu na cierto momento, algun luna despues cu banco a bay di acuerdo cu

cierto beneficionan, banco unilateralmente a bisa cu no kier sigui cu eseynan mas. Di

parti di FTA a manda un carta unda a mustra nan riba e hecho cu tin un acuerdo cu tin cu

wordo respeta, cu no por kibra e acuerdo aki na mita caminda y banco a pesar di esey, a

dicidi di manda un carta, unda e ta bisa cu e ta termina e beneficionan aki y esey a hiba

na unda nan ta awe. Legalmente loke nan ta haci, no ta corecto, pero awor aki ta bezig cu

e accion sindical, unda cu banco a bisa si, cu e lo bay corte pa tuma corte su opinion riba
si e por elimina e articulo, si of no. A bisa nan di parti di sindicato cu en principio cu no

tin problema cu esey, basta cu te na momento cu corte tuma un decision, e beneficionan

mester keda vigente. Esey banco no kier respeta. Banco a bisa no, e ta elimina e

beneficionan ey, despues e ta bay corte, locual a hiba na e accion aki tambe.

Tin problema

Segun Figaroa, si e caso ta cu nan tin problema financiero, sindicato no a haya

informacion detaya di esey. Unico argumento cu a wordo uza ta cu supuestamente door

cu ta elimina e servicio aki na clientenan, esey tin cu elimin’e tambe pa e trahadonan. Cu

e clientenan no tin un contracto colectivo firma.

Caminda largo

Probablemente e caso cu compania ta indica cu e lo kier cuminsa, cual ta pidi corte su

opinion si e por saca e articulo aki si of no, e lo ta un caso largo. Awo si compania kier
tuma pasonan contra e trahadonan, door cu nan ta bezig ta den welga, esey si

eventualmente lo bay lihe, segun e abogado.