Page 15 - Marriott Aruba 31 AUG,2015

Marriott Aruba Resort & Casino a cende mecha pa celebracion di
Dia di Prensa

Monday, 31 August 2015 08:11

Manera ta un tradicion di tur aña, riba dia 1 di september ta celebra Dia di Prensa. Tur aña
companianan local, specialmente esunnan cu ta den hopi contacto cu medionan di
comunicacion, ta celebra hunto cu nos. E aña aki a toca e honor na Marriott Aruba Resort &
Stellaris Casino pa cende e mecha di celebracion, cu un "brunch" diadomingo mainta den La
Vista Restaurant.
Durante un rato ameno, representantenan di varios medionan di comunicacion a uni pa asina
disfruta di un soculento desayuno combina cu almuerso den La Vista Restaurant. A nota
representantenan diwww.24ora.com, www.masnoticia.com, Solo di Pueblo-Canal 22-Top 95 FM, Bon
Dia Aruba y Aruba Today, ATV 15, Canal 90 FM, Diario, Tele Aruba, Awe Mainta y Aruba
Traveller.
E representantenan di Marriott Aruba Resort tabata Sonam Sujan, Errol Farro y Stacey
Banfield, La Vista Restaurant tabata representa pa Michel Fricke, mientras cu Stellaris Casino
tabata representa pa Yazira Javois-Feliciana.
Mester menciona cu na final di e comemento, a rifa algun premio masha interesante, manera
comemento, estadia den hotel y mas. Tur miembro di prensa presente a ricibi un regalo
special pa "purba nan suerte" den Stellaris Casino, pa por a completa e mainta di celebracion.
Di parti di Headlines Group, e cas editorial di e website mas lesa na Aruba, esta 24ora.com, nos
ta gradici e ekipo di mercadeo y benta di Marriott Aruba Resort & Casino. No solamente pa e
gesto aki, sino pa nan sosten henter aña, uzando nos medio pa pormociona nan hotel,
restaurantnan y casino, den un esfuerso pa yega na un publico mas amplio posibel.