Page 10 - AVP OCT 16 2020
P. 10
Diabierna, 16 October 2020 AWEMainta 7
Parlamentario Michael Lampe infecta cu Covid-19,
Mientras e ta cu famia pa tratamento
medico di nan baby na Hulanda
DESPUES cu Michael Lampe y famia a biaha urgente pa Hu-
landa algun tempo pasa p’asina por haya e tratamento medico
necesario pa nan baby den bariga, ayera a drenta noticia cu el a
wordo contagia, mientras e ta cu su famia pa tratamento di nan
baby.
Hulanda ta pasando den momentonan di infeccion hopi halto di e
virus Covid-19 y hasta a bay den un semi lockdown e siman aki.
Segun Michael Lampe, aunke e cu su famia ta tene nan mes na
regla stricto pa cu e virus, lamentablemente tog esaki a yega ser-
ca dje. Actualmente e Parlamentario ta recuperando di Covid 19
y mientrastanto nan baby tambe ta recuperando di operacionnan
haci.
Michael Lampe ta spera cu tanto nan baby y e mes por recupera
pronto pa regresa Aruba y ta conseha tur hende pa no haci wega
cu e virus y cuida bo famia y otronan rond di Bo.
Anuncio di mantencion riba sistema central di IT
EN conexion cu mantencion rutinario di siste-
ma central di IT di N.V. ELMAR ta anuncia cu
diabierna awor, awe 16 di october for di 12:00
AM te cu diasabra 17 di october 6:00 AM lo in-
terumpi servicionan di website, plataforma
eConnect y compra di pre-paid token.
CLIENTENAN PRE-PAID
ELMAR kier a recorda cu durante ‘toque de que-
da’ (12:00 AM – 5:00 AM) tur pump stacion lo
ta cera y cu clientenan cu ta haci uzo di meter
prepago no lo por cumpra pre-paid token.
Como tal nos ta haci un suplica pa cliente zorg
pa nan prepaid meter ta recarga prome cu e
mantencion aki y asina evita interupcion di cori-
ente inecesario.
Servicionan digital y benta di pre-paid token lo
reanuda diasabra 17 di october 6:00 AM. N.V.
ELMAR ta gradici tur cliente pa pone atencion
riba esaki pa evita cualkier inconveniente.
