Page 25 - DIARIO 28 JULI 2021 COMPLETO.indd

DIARANZON 28 JULI 2021 DIARIO PAGINA 25
Ciudadano a
yega net na
ora pa gara
ladron riba su

tereno

ORANJESTAD (AAN):
Diadomingo mainta banda
di 9:40 am, un unidad di
Polis di Playa a ser manda
pa bay check na un cas
den Wabistraat, pasobra
un kiebro a socede eynan.
Wabistraat ta situa na
Companashi na Playa.
Ora cu unidad di Polis
a yega na e adres, nan a
papia cu e señora di ini-
cial P., kende a declara cu
e mainta ey el a bin na e
cas aki di su ruman, djis pa
controla esaki.
Pero net ora cu el a yega,
el a bin gara un homber
riba e tereno cu algun ar-
ticulo den su man.
Segun e señora a bisa,
ora cu e homber a ripara
cu el a wordo gara, el a
core bay na e banda pariba
di e cas, y pasa pa e banda
patras y den su buskeda pa
huy, a bula e muraya pasa
over, y asina core bay y
desaparece.
E señora P. a bisa cu e
no por a mira e cara di e
homber bon. Ora cu el a
bay check e cas, el a mira
cu e porta di un berghok na
e banda pariba di e cas a
wordo forza, y a reboltea
tur cos den e hoki aki.
Algun stul y pieza di auto
a wordo saca di eyden, y
a ser laga abao banda di e
porta. Pues esey ta cosnan
cu despues e homber ta
planea di bin horta.
Polis a mira un paki di
varios cabez di slang di
hardin abao, y cu tin ras-
tro di marca di pia for di
e hoki cu ta bay pa e parti
di muraya parti patras di e
cas.
Polis a tuma denuncia
oficial, y awor tin atencion
pa e caso.