Page 22 - AHATA
P. 22
Inicialmente a uza e crucero aki pa west di Mediteraneo y tambe na Nort Europa, y un
poco despues di mey-mey di aña el a move pa su haf na Merca como preparacion p’e
cuminsa nabega Caribe.
Despues di reunion- y negociacionnan fructifero di APA cu e compania crucero, a logra
inclui Aruba den e ruta di MSC Meraviglia.
Por corda ainda cu APA a haci algun cambio den e structura di haf di Playa, pa na
momento cu e mega cruceronan aki yega Aruba, nan por maniobra mihor ora di drenta y
bandona Aruba.
Esaki t’e prome di e tipo di cruceronan aki cu ta yega Aruba. Den futuro por spera mas di
Mega Crucero cu lo percura pa mas movecion den centro di ciudad y mas divisas cu ta
lora den e economia.
Diarason APA tabatin 4 crucero mara den haf cual nan tabata Monarch cu a yega 6.30 di
mainta y a bay 3.30 di atardi; Msc Meraviglia cu a yega 7’or di mainta y a bay 7’or di
anochi; y tambe tabata den haf Freewinds.
