Page 23 - ATA

Authority ta consciente di esaki y ta haci nan maximo esfuerso pa percura cu e imagen di

nos isla den exterior ta uno optimal cu lo atrae e turista.

Despues di un proceso di planificacion, investigacion y desaroyo, Aruba Tourism

Authority a lansa recientemente e imagen y structura nobo di e website oficial di Aruba,

esta www.aruba.com. Mas cu un website, a evoluciona esaki den un plataforma cu ta

satisfase tur e necesidad y expectativa cu un bishitante potencial por tin ora di kier

conoce mas di nos isla of planifica su proximo vacacion. Ademas di contenido actualisa,

tambe ta conta cu facilidad y tecnologia avansa pa brinda un experiencia agradabel y

extraordinario.

A.T.A. semper ta busca manera pa sigui bay dilanti; cu apetit pa ta e miho y destaca

como destinacion den e region Caribense. Asina a logra agiliza e manera con ta maneha
contenido internamente pa reduci e ‘time to market’ y ta contento cu e resultado. Atrabes

di video y imagennan cautivante, e biahero ta conoce mas cu djis e beach y restaurantnan

riba nos isla; pero tambe por tende di propio Arubianonan y otro turistanan cu tin hopi

aña caba bishitando Aruba.

Aruba.com ta accesibel den ocho diferente idioma, cual esun mas reciente añadi ta Ingles

Britanico pa mercadea mas efectivamente den e region di Europa. Usuarionan tambe por

scoge di wak e contenido na Ingles Americano, Spaño, Italiano, Portugues, Hulandes,
Sueco y Aleman. “Como lider den creatividad y innovacion digital, Aruba su meta

semper ta pa resalta e experiencia di nos huespednan prome, durante y despues di nan