Page 24 - IVA

Un biaha mas Hospital a scoge nan empleado di luna y e biaha aki pa e luna di augustus a

scoge Rachelle Jansen di departamento Interieurverzorging.

El a keda sorprendi di ta empleado di luna pasobra esaki ta algo cu e no a spera nunca.

Rachelle ta eherce su

funcion como medewerker interieurverzorging na Departamento di Operacion pues ta

specialmente dedica na haci limpiesa riba dicho departamento. Su coleganan riba e

departamento aki ta contento cu a logra su nominacion y tambe su coleganan di

Interieurverzorging tur ta masha orguyoso di por a tene entre nan un empleado di luna.

Manager di Hoteldienst, Sra. Charlissa Chaljub tabata entusiasma cu e biaha aki e

empleado di luna a toca su departamento. Ta un honor pe departamento, pasobra no ta tur

ora nan ta ricibi e reconocemento. E trabou di limpiesa den Hospital ta importante y sigur

na e salanan di operacion unda cu tin exigencianan hopi halto. Tur dia y constantemente

tin presion riba nan pe trabou ta bon haci, di calidad. “Esey ta loke nos ta haya cerca
Rachelle”, Charlissa Chaljub a duna di conoce. Mas o menos 2 aña pasa nan a ricibi un

training for di un compania di Hulanda y Rachelle Jansen a forma parti di e grupo cu a

ricibi e training. E tempo ey Rachelle tabata traha riba piso den otro departamentonan,

pero el a haya e oportunidad pa forma parti di e team di sala di operacion. E ta un persona

hopi critico, unda cu e ta mira hopi detaye y di biaha e ta actua riba esaki.

E ta acerca su coleganan y bisa nan kico no ta na su agrado, kico e ta mira cu no ta klop

manera el a siña den su les. Asina aki nan mes ta actua pa drecha y mehora cada dia mas

den nos Hospital. E ta traha un trabou tras di cortina y niun hende no sa di esaki, pero

Rachelle ta haci su trabou cu amor. E ta encarga pa haci e camber di operacion limpi cada

biaha y prepara esaki pe siguiente operacion. E ta haci esaki door cu e ta ricibi bon sosten

di su coleganan di Interieurverzorging y sala di operacion. E