Page 31 - IVA

Den mayoria caso ta asina cu durante e transplante no ta saca e riñonnan di e pashent. Mas bien ta
añadi e riñon di e donor na e curpa di e pashent. Bou algun cirucumstancia SI ta kita e riñon di e
pashent: ora e riñon ta infecta of ora e ta stroba e operacion di e transplante.

E riñon y e curpa di e pashent mester por ‘match’ bon cu otro, miho bisa: cu nan ta compatible. Den
otro palabra e riñon cu a keda transplanta ta ‘match’ cu e pashent y asina e chens ta mas grandi cu e
riñon lo funciona debidamente. Estudio y experiencia ta mustra cu un transplante di famia pa famia ta

‘match’ mas miho y ta mas duradero compra cu’n transplante di un persona anonimo. Esaki no ta kita
afo cu’n transplante pa medio di un persona anonimo, ta deseabel. Mas bien ambos opcion ta mehora
e calidad di bida di e pashent.

E sistema inmunologico ta proteha bo curpa door di ataca tur locual ta straño den bo curpa. Pues e

sistema inmunologico lo por ataca e riñon transplanta den caso cu esaki no ta ‘match’ bon cu e curpa
di e pashent. Ora esaki sosode ta bisa cu e curpa a ‘rechasa’ e riñon obteni.

Un pashent cu haci un transplante di riñon mester tuma diferente remedi despues di e transplante di
riñon. Esaki ta varia di persona pa persona. Tin algun remedi cu bo lo mester bebe pa henter bo bida,
pa asina salvaguardia e riñon obteni. Un di e remedinan cu bo lo mester bebe ta specificamente pa
baha e sistema inmunologico, cual ta pa evita cu bo curpa ta rechasa e riñon obteni. Ta importante pa

cuida bo curpa mirando cu bo curpa por ta mas vunerabel pa cualkier malesa of virus
(primordialmente durante e prome 3 luna despues di e transplante).